Ajay Chautaala Ne Jail Se Phone Par Ki Janasabha, Jaanch Ke Aadesh

Breaking »

Ajay Chautaala Ne Jail Se Phone Par Ki Janasabha, Jaanch Ke Aadesh

Nai Delhi: Shikshak bharti ghotaale mein pita va Haryana ke poorv mukhyamantri om prakaash chautaala ke saath jail mein band Indian national lokadal (inelo) ke neta Ajay chautaala par jail se hi phone par Haryana mein janasabha ko sambodhit karne ka aarop hai. Tihaad jail prashaasan ne iski jaanch ke aadesh day diye gaye hain. Jail mahaanideshak vimla Mehra ne kaha, "Sabhi kaidiyon ko pratidin apne parivaar se paanch minute baat karne ki anumati hoti hai. Ajay ne 19-20 February ko apne bete ko phone kiya, jisne samarthakon ko bula rakha tha. Ajay ne iske baad unhein speaker phone par sambodhit kiya. " Mehra ne kaha, "Is maamale mein shanivaar ko ek jaanch bithaai gayi hai. Ham har drushtikon se is maamale ko dekh rahe hain. Report aaj (somvaar) ya kal (mangalvaar) saunpi ja sakti hai. Yadi Ajay ke khilaaf aarop sahi paae jaate hain to uchit kaarravaai ki jaaegi. " Ek anya jail adhikaari ne kaha ki Ajay ne soneepat jile mein 20 February ko paanch minute ke liye ek rally ko sambodhit kiya tha. Rally ki bheed unke bete dushyant ne jutaai thi. Ajay ne samarthakon ko jail mein band apne pita ke svaasthya ke baare mein bataaya tatha graameenon se unka kushalakshem poochha.

Ajay Chautaala Ne Jail Se Phone Par Ki Janasabha, Jaanch Ke Aadesh https://www.angrejinews.com/pic/2811