Ajalan Shaah Hockey Mejabaan Malayeshiya Se Rahana Hoga Bhaarat Ko Satark

Sports »

Ajalan Shaah Hockey Mejabaan Malayeshiya Se Rahana Hoga Bhaarat Ko Satark

Ipoh (malayeshiya)antim lamhon mein gol khaane ki samasya ka hal nikaalne mein naakaam raha Bhaarat aaj (mangalvaar) malayeshiya ke khilaaf hone vaale sultaan ajalan shaah cup hockey toornameint ke apne teesare league match mein isi cheej se bachane ki koshish karega. Toornameint ke pehle match mein asian gems ke gold medalist Japan ke khilaaf 2-0 ki jeet ke baad Manpreet Singh aur unke saathiyon ne Korea ke khilaaf ravivaar ko antim minute mein gol ganvaaya aur team ko 1-1 ke draw se santosh karna pada. Padhein, Sultaan ajalan shaah: South Korea ne Bhaarat ko draw par roka Asiaee hockey ki chhupa rustam maani jaane waali malayeshiyaai team ke khilaaf pichhle kuchh samay mein Bhaarat ko kadi takkar mili hai. Usane 2010 gvaangjhoo asian gems ke semifinal mein Bhaarat ko antim minute mein 4-3 se haraaya tha. Iske aath saal baad Jakarta asian gems ke semifinal mein bhi Bhaarat ne antim minute mein gol ganvaakar malayeshiya ko baraabari haasil karne ka mauka diya jisne fir penalty shoot-out mein 7-6 se jeet darj ki. Haalaanki Manpreet Singh ki kaptaani waali bhaarateeya team malayeshiya ke khilaaf puraane record ko bhoolakar jeet ke iraadon se utaregi.

Ajalan Shaah Hockey Mejabaan Malayeshiya Se Rahana Hoga Bhaarat Ko Satark https://www.angrejinews.com/pic/263518