Ajalaan Shaah Hockey Pehle Match Mein Australia Se Haara Bhaarat

Sports »

Ajalaan Shaah Hockey Pehle Match Mein Australia Se Haara Bhaarat

Ipoh. . Bhaarat ki yuva team ne sultaan ajalaan shaah hockey tournament ke pehle match mein chhah baar ke champion Australia ke khilaaf jujhaaroopan ki baanagi pesh ki, haalaanki use 3-4 se haar ka saamana karna pada. Bhaarat ne apne damadaar pratidvandvi ke khilaaf achha pradarshan kiya lekin doosare half mein do minute ke bheetar do gol ganvaana use bhaari pada. Australia ke liye Matt godes ne 24vein aur 39vein minute mein gol kiye jabki glen Simpson (39vaan) aur Trent miltan (53vaan) ne baaki do gol daage. Bhaarat ke liye drag flicker roopindar paal Singh ne 40vein aur 68vein minute mein penalty corner ko gol mein tabdeel kiya jabki ek aur gol 51vein minute mein maalak Singh ne daaga. Half time tak Australia 1-0 se aage tha. Australia ne pehle das minute mein hi khel par niyantran bana liya tha. Haalaanki bhaarateeya goalkeeper pi shreejesh ne tim bets ke kai shot chaturaai se bachaae. Bhaarateeya defence 24vein minute mein bikhr gaya jab Australia ko pehla penalty corner mila. Shreejesh ne pehla shot bacha liya lekin godes ne ribaaund par gol karke team ko 1-0 se badhat dila di

Ajalaan Shaah Hockey Pehle Match Mein Australia Se Haara Bhaarat https://www.angrejinews.com/pic/3400