Air Asia India Ka Limited Peeriyd Ofar, Havaai Tikton Par 20% Chhoot

Breaking »

Air Asia India Ka Limited Peeriyd Ofar, Havaai Tikton Par 20% Chhoot

Mumbai Sasti udaan seva dene waali vimaanan company air Asia India ne seemit avadhi ke liye apne network ki sevaaon ke kiraaye par 20 pratishat chhoot ki peshakash ki hai. Air Asia India mein tata samooh ki 51 pratishat aur malayeshiya ki air Asia ki 49 pratishat hissedaari hai. Air Asia India ne ek bayaan mein kaha ki saat din ki yeh sel 18 February se shuroo hogi. Is dauraan khareede gaye tikton par 25 February se 31 July ke beech yaatra ki ja sakegi. Bayaan ke mutaabik company website ya mobile ep se ki jaane waali sabhi booking par yeh chhoot upalabdh hogi. Yaatri sel ke dauraan ghareloo yaatra ke saath-saath videsh yaatra ke bhi ticket book kara sakte hain. Company ke mukhya kaaryakaari adhikaari suneel bhaaskaran ne kaha ki is chhoot yojana ke saath yaatri apni chhuttiyon ke dauraan kam bajat mein bhi duniya mein kai sthaanon par yaatra kar sakte hain.

Air Asia India Ka Limited Peeriyd Ofar, Havaai Tikton Par 20% Chhoot https://www.angrejinews.com/pic/255083