Agra Ki Rally Mein Shaah Ka Rahul Par Hamla, Kuchh Neta Shauk Poora Karne Ke Liye Banana Chaahate Hain PM

Breaking »

Agra Ki Rally Mein Shaah Ka Rahul Par Hamla, Kuchh Neta Shauk Poora Karne Ke Liye Banana Chaahate Hain PM

Agra BJP ke raashtreeya adhyaksh amit shaah ne ravivaar ko Agra mein ek chunaavi rally mein vipaksh par teekhe hamle bole. Shaah ne vipakshi netaaon par kataaksh karte hue hue kaha ki janta sirf isliye vote naheen de sakti ki kisi ki PM banane ki hasarat mein umr nikli ja rahi hai ya kisi ko PM banane ka shauk chadha hai. BJP adhyaksh ne vipaksh par hamla karte hue kaha ki ek or desh ka vikaas karne vaale Narendra Modi hain, jinki sarkaar par 5 saal mein bhrashtaachaar ka koi aarop tak naheen laga to doosari taraf mahaagathabandhan aur mahaamilaavat hai, jo jaati-dharm waali sarkaar chaahate hain. Sabha ko sambodhit karte hue BJP adhyaksh amit shaah ne kaha, 'Hamein desh ki suraksha ke liye pradhaanamantri ko chunana hai, hamein aisa pradhaanamantri chunana hai jo Pakistan ko munhatod javaab de sake na ki sirf isliye ki kisi ki umr nikli ja rahi hai ya kisi ko PM banane ka shauk chadha hai. Ek or modeeji hain to doosari or mahaagathabandhan aur mahaamilaavat hai. Inse koi poochhe ki agar aap jeete to PM kaun banega. Inke paas is savaal ka javaab naheen hoga. ' 'Saare vipakshi neta modeeji ko hataana chaahate hain, magar chunaav naheen lad rahe' Shaah ne kaha, 'Maayaavati ji kehti hain ki modeeji ko hataaya jaae, magar poochho chunaav kahaan se ladeingi to kaheingi ki main chunaav naheen ladoongi. Sharad Pawar, Akhilesh Yadav, mamata Bannerjee, staalin, chandrabaaboo Naidu sab kah rahe hain ki modeeji ko hataana hai, magar poochho aap chunaav kahaan se ladoge to ye sab kah rahe hain ki ham chunaav naheen ladeinge. Beete 70 saalon mein Congress aur unke chatte-batton ne shaasan kiya, logon ko ehsaas hi naheen tha ki desh aajaad bhi hai. ' Padhein: Yogi bole, 'Rahul ko naheen pata aaloo-aam mein fark' 'Humne bina jaat-paat poochhe kiye vikaas kaarya' Unhonne kaha, 'Bina kisi ki jaati-dharm poochhe 6 karod mahilaaon ko gas kanekshan dene ka kaam BJP sarkaar ne kiya hai. Modeeji ne bina kisi ki jaat-paat poochhe 13 karod kisaanon ke khaate mein 6 hajaar rupaye dene ka faisala kiya. ' unhonne logon se poochha ki aap jaati-dharm karne waali sarkaar chaahate hain ya desh ka vikaas karne waali sarkaar chaahiye. Shaah ne kaha ki pichhle 5 saalon mein Modi sarkaar aur 2 saal ki yogi sarkaar ke dauraan bhrashtaachaar ka ek bhi aarop naheen laga. Padhein: Yediyurappa ne bataaya, aise 300 seatein jeetegi BJP BJP adhyaksh ne kaha, 'UPA sarkaar ke dauraan Pakistan hamaare sainikon ko le jaata tha aur sir kaatkar bhejata tha, lekin 'Mauni Baba' waali sarkaar ke maathe par joon naheen reingi. Modeeji ki sarkaar ke dauraan unhonne uri par hamla kiya, unhein laga ki fir 'Mauni Baba' jaisi sarkaar hogi. Magar modeeji ne sarjikl strike aur pulavaama hamle ke baad air strike kar Pakistan ko munhatod javaab diya hai. ' 'Rahul Gandhi sena se saboot maangate hain, Pakistan mein taaliyaan bajti hain' Shaah ne Rahul Gandhi par nishaana saadhate hue kaha ki Congress adhyaksh press conference kar sena se air strike ke saboot maangate hain. Unke in savaalon par Pakistan ki sansad mein taaliyaan bajti hain. Unhonne kaha ki yeh chunaav gareebon ke vikaas, desh ki suraksha aur vishv ki majaboot arthavyavastha banaane jaise muddon par ladna chaahiye na ki kisi ka pradhaanamantri banane ka khvaab poora karne ke liye. Padhein: BJP vidhaayak bole, 'Sapana chaudhari ko apna bana lein Rahul Gandhi' Shaah ne kaha ki pradhaanamantri Modi ne pichhle 5 saalon mein ek bhi chhutti naheen li hai. Desh ke paas aisa pradhaanamantri hai jo din mein 18-18 ghante kaam karta hai. Ek or aise neta hain jo ghoomane ke liye 6-6 maheene gaayab rahate hain aur unki maan tak ko pata naheen hota hai ki unka beta kahaan gaya. Isse pehle uttar pradesh ke CM yogi aadityanaath ne kaha, 'Pradhaanamantri Modi ne vikaas ka maadhyam jaati, dharm, kshetr ya sanpradaaya naheen balki gaanv, dehaat, gareeb mahila sabhi ko banaaya hai. Dhaai karod se jyaada parivaaron ko shauchaalaya, 1 karod parivaaron ko bijli kanekshan diya. Agar aapko hamaari safalta ka paimaana dekhna hai to prayaagaraaj mein hue bhavya Kumbh ko dekh leejiye. Yeh namaami gange ki safalta hi thi ki ganga avirl bhi thi, nirmal bhi thi. Aajaadi ke baad se kyon kabhi kisi pradhaanamantri ne akshayavat ko kholne ki himmat naheen dikhaai? Ve log darate the, magar modeeji ne yeh kaam karke dikhaaya. ' Ravivaar ko BJP ke raashtreeya adhyaksh amit shaah aur uttar pradesh ke mukhyamantri yogi aadityanaath ne Agra mein BJP ki 'Vijay sankalp sabha' ko sambodhit kiya. CM yogi ne sabha ke dauraan kaha ki pradhaanamantri Narendra Modi ne vikaas ke nae aayaam sthaapit kiye hain aur jaati-dharm se pare gaanv-gareeb aur kisaan ko apne vikaas ka maadhyam banaaya hai.

Agra Ki Rally Mein Shaah Ka Rahul Par Hamla, Kuchh Neta Shauk Poora Karne Ke Liye Banana Chaahate Hain PM https://www.angrejinews.com/pic/263197