Agni-5 Misaail Ke Do Aur Test Honge

India »

Agni-5 Misaail Ke Do Aur Test Honge

bhaasha. Nai Delhi : Apni lambi doori ki maarak kshamata ko badhaane ke maksad se Bhaarat paanch hajaar kimi door tak maar karne mein saksham agni-5 bailestik misaail ka is saal do aur test karne ki yojana bana raha hai. In pareekshanon ke baad yah misaail sena mein shaamil karne laayak ho jaaegi. Raksha anusandhaan aur vikaas sangathan (deeaaradeeo) ke pravakta ravi gupta ne bataaya ki ham agni-5 ke do aur test ki yojana bana rahe hain aur ye is saal kiye ja sakte hain. In pareekshanon ke baad yah misaail sena mein shaamil karne laayak ho jaaegi. Pichhle saal April maheene mein agni-5 misaail ke test ke baad Bhaarat un deshon ke club mein shaamil ho gaya tha jinke paas yah kshamata hai. In deshon mein America, roos aur cheen shaamil hain. Bhaarat apni is sabse taakatavar misaail ko kai aayudhon se lais karne ki bhi yojana bana raha hai.

Agni-5 Misaail Ke Do Aur Test Honge https://www.angrejinews.com/pic/7804