Agenton Ki Maanyata Ka Senioron Ne Kiya Tha Virodh

Sports »

Agenton Ki Maanyata Ka Senioron Ne Kiya Tha Virodh

agencyan . Nai Delhi bhaarateeya cricket board ke top ofishiyl hamesha khilaadiyon ke agenton ko maanyata dena chaahate the, lekin pichhle kuchh saalon mein senior khilaadiyon ne ismein kaafi virodh kiya tha. BCCI varking committee mein hissa lene vaale board ke senior adhikaari ne kaha, 'Kuchh saal pehle BCCI agenton ko maanyata dene ki prakriya shuroo karne ke liye lagbhag taiyaar tha. Lekin Bhaarat ke senior cricketeron ne iska kaafi virodh kiya tha. Is vishay par Sunday ko charcha hui ki tab kaise senior khilaadiyon ne BCCI ko yah kadam uthaane se rok diya tha. ' ofishiyl ne bataaya ki ve khilaadiyon ke agenton ko BCCI ke tahat laane ke liye khaaka taiyaar kar rahe hain. Isse unhein behtar nigraani prakriya laagoo karne mein madad milegi. Unhonne kaha, 'Riporton ke anusaar Bhaarat ke Australia ke pichhle tour mein kam se paanch ya chhah agent team hotel mein thahare the aur khilaadiyon ke parijanon ki tarah vyavahaar kar rahe the. Yah achha chalan naheen hai. Yadi BCCI agenton ko maanyata day deta hai to ham kam se unhein apne guide lines ke hisaab se chalne ke liye majaboor kar sakte hain, jo ki ham abhi naheen kar sakte. ' Bhaarat ke under-19 khilaadiyon ko jis tarah se agent laalach day rahe hain usase BCCI ofishiyl khaastaur se chintit hain.

Agenton Ki Maanyata Ka Senioron Ne Kiya Tha Virodh https://www.angrejinews.com/pic/9061