Agar Pinjare Mein Band Tota Hain To Pad Chhod Dein CBI Director Digvijya

Breaking »

Agar Pinjare Mein Band Tota Hain To Pad Chhod Dein CBI Director Digvijya

Nai Delhi. . Vivaadit muddon par bebaak bayaan dene vaale Congress mahaasachiv digvijya Singh ne is baar CBI ke director Ranjit sinha ko nishaana banaaya hai. Koyala ghotaale ke maamale sunavaai ke dauraan Supreme court ne tippani karte hue keindreeya jaanch agency (CBI) ko pinjare mein band sarkaari tota karaar diya tha. Baad mein Ranjit sinha ne media se baat karte hue kaha tha ki desh ki sarvochch adaalat ne jo bhi tippani ki hai, vah sahi hai. Unke is rukh par niraasha jataate hue digvijya Singh ne kaha ki agar unhein lagta hai ki vah apni sthiti pinjare mein band tote ki tarah paate hain, to unhein pad chhod dena chaahiye. Angreji news channel hedalaains tude se baat karte hue digvijya ne kaha ki mujhe Ranjit sinha ke bayaan ko dekhne ke baad kaafi aashcharya aur niraasha hui thi. Agar unhein lagta hai ki vah pinjare mein band tote ki tarah hain to unhein vahaan naheen hona chaahiye jahaan vah hain. CBI ko lekar sarkaar ki chhavi ko nuksaan pahuchaane waali Supreme court ki tippani par bhi naaraajagi jataate hue unhonne kaha ki maukhik tippani ke khilaaf ham kahaan appeal karein. Digvijya ne kaha ki agar court pradhaanamantri ya raashtrapati ke khilaaf apamaanajanak ekapaksheeya jabaani tippani kar deta hai, to hamaare paas iske khilaaf appeal karne ke liye koi forum ya prakriya naheen hai. Kolaget draft report mein badlaav karne ki vajah se kursi ganvaane vaale poorv kaanoon mantri ke baare mein poochhe jaane par Congress mahaasachiv ne kaha ki yahi vajah hai ki unhein isteefa dena pada, lekin unhonne pichhli sarkaar ki aavantan neeti ke sandarbh mein status report mein maamooli baatein jodi theen. Is maamale mein digvijya Singh ne sheersh nyaayaalaya ko pehle bhi seema mein rahane ki naseehat di thi. Unhonne kaha tha ki janapratinidhi janta ke prati javaabadeh hote hain, court ke prati naheen. Court agar ashvini Kumar ko doshi maanata hai to aadesh day, tippaniyon se javaabadehi tay naheen hoti hai. Unhonne kaha ki CBI ko pinjare mein band tota bataana apne hi sansthaanon ko heen bataane jaisa hai. Agar court ko lagta hai ki kolaget report ki aatma badal di gayi thi, to unhein aadesh dena chaahiye tha. Soniya Gandhi aur manamoh Singh ke roop satta ke do keindron ke bayaan se peechhe hatne ke savaal par digvijya ne kaha ki sarkaar ke maamale mein saare adhikaar Manmohan Singh ke paas hain, jabki sangathan ke maamale mein saare faisale soniyaan Gandhi leti hain. Unahonne kaha ki sarkaar mein satta ke do kendra naheen hain.

Agar Pinjare Mein Band Tota Hain To Pad Chhod Dein CBI Director Digvijya https://www.angrejinews.com/pic/9118