Agale Vidhaanasabha Chunaavon Mein Toot Jaaega 'Aap Ka Bhram Udit Raaj

Breaking »

Agale Vidhaanasabha Chunaavon Mein Toot Jaaega 'Aap Ka Bhram  Udit Raaj

Bhaajapa neta udit raaj ki file tasveer Bhaajapa neta udit raaj ki file tasveer Nai Delhi: haal hi mein hue Loksabha chunaavon mein Loksabha seat jeetne se utsaahit bhaajapa neta udit raaj Delhi mein jald se jald hone vaale vidhaanasabha chunaavon ke liye poori tarah se taiyaar hain. Udit raaj ko party ke dalit chehare ke roop mein pahachaana jaata hai. uttar-pashchimi Delhi nirvaachan kshetr se saansad udit ka maanana hai ki aam aadmi party ka yeh bhram ki pichhde aur madhya varg ke log use vote deinge, agale vidhaanasabha chunaavon mein ek baar fir toot jaaega. udit raaj ne PTI ko ek saakshaatkaar mein bataaya, vidhaanasabha chunaav jald se jald hone chaahiye. Is baar yeh bhram toot jaaega ki pichhde varg ke log unke saath hain. Unhonne kaha, yadi 'Aap' ko lagta hai ki ve agale vidhaanasabha chunaavon mein madhya varg aur pichhde varg ke matadaataaon ko apna votabaink banaae rakhegi, to vah galat soch rahi hai. pichhle vidhaanasabha chunaavon mein Arvind Kejriwal ke netrutv waali 'Aap' ne Delhi ki 12 surakshit seaton mein se nau apne naam ki theen. Is nai party ne 70-sadasyeeya sadan mein 28 seatein haasil karke sabko hairaan kar diya tha. Iske baad party ne Congress ke baahari samarthan ke saath Delhi mein sarkaar banaai, lekin 49 din ke baad Janlokpal ke mudde par satta chhod di. Iske baad vah 2014 ke aam chunaavon mein vahi prabhaav dobaara banaane mein naakaam rahi aur Loksabha chunaavon mein mahaj chaar seatein hi jeet saki. uttar-pashchimi Delhi ki seat se 'Aap' ki raakhi bidla ko haraane vaale raaj ne kaha, Loksabha chunaavon ne dikha diya ki sirf dalit hi naheen, balki samaaj ke har varg ke logon ko bhaajapa mein vishvaas hai. Kejriwal par baar-baar rukh badalne ka aarop lagaate hue raaj ne kaha ki 'Aap' ke neta ka aakalan sahi saabit naheen hone ki vajah se ve kunthit hain. Ve bas janta ko yeh dikhaakar ek baar fir prabhaavit karne ki koshish kar rahe hain ki ham abhi bhi yoddha hain. Delhi ke chunaavon ke liye bhaajapa ke agende ke baare mein udit raaj ne kaha, yeh Loksabha chunaavon ki hi tarj par hoga aur yeh agenda hai - sthaayi sarkaar ka. Unhonne daave ke saath kaha ki agale vidhaanasabha chunaav kabhi bhi hon, 'Aap' aur Congress, bhaajapa se koi mukaabala naheen kar paaengi.

Agale Vidhaanasabha Chunaavon Mein Toot Jaaega 'Aap Ka Bhram Udit Raaj https://www.angrejinews.com/pic/51672