Agale Match Se Baahar Rah Sakte Hain Kings XI Punjab Ke Captain

Cricket »

Agale Match Se Baahar Rah Sakte Hain Kings XI Punjab Ke Captain

Mohali. . Hyderabad sunrisers ke captain Kumar sangakaara ke baad ab Gilchrist bhi apni kharaab form ko dekhte hue khud ko agale match se baahar rakh sakte hain. Kharaab form se joojh rahe kings eleven Punjab ke kaptaan Adam Gilchrist ne sanket diya ki IPL ke agale match mein kaptaani mein badlaav ho sakta hai. Punjab ne ravivaar raat Pune Warriors ko ek romaanchak mukaabale mein haraaya lekin Gilchrist ka kharaab form jaari raha. Jeet ke baad unhonne kaha, 'Mainne run naheen banaae hain aur Aaron finch ka catch chhoda jisse ham match haar sakte the. Yah achha pradarshan naheen hai. Jab ham agale match ke liye team chuneinge to dekhna hoga. Achhi baat yah hai ki yuva khilaadiyon ne achha pradarshan karke nateeja hamaare paksh mein diya. ' Australia ke shaun marsh do din pehle team se jude hain aur unki upalabdhata se paari ki shurooaat ke vikalp badh gaye hain. Gilchrist ne kaha, 'Hamaare paas vikalp badh gaye hain. David Miller achha khel raha hai aur shaun bhi aa gaya hai. Kuchh kamjoriyaan bhi hain, jaise mainne run naheen banaae hain. ' unhonne yuva ballebaaj manadeep Singh ki taareef ki jisne nirnaayak kshanon mein sanyam khoe bina upayogi paari kheli.

Agale Match Se Baahar Rah Sakte Hain Kings XI Punjab Ke Captain https://www.angrejinews.com/pic/6401