Agale Kuchh Hafton Mein Ho Sakta Hai Mantrimandal Vistaar Sootr

Breaking »

Agale Kuchh Hafton Mein Ho Sakta Hai Mantrimandal Vistaar Sootr

File photo File photo Nai Delhi: nyoonatam sarkaar aur adhiktam shaasan ke naare ke saath ek behad chhota mantrimandal banaane vaale pradhaanamantri Narendra Modi is saal 12 June ke baad kabhi bhi apne mantrimandal ka vistaar kar sakte hain. Sootron ne mili jaankaari ke mutaabik, sansad ka satr samaapt hone ke baad mantrimandal mein vistaar dekhne ko mil sakta hai aur ismein ek poornakaalik raksha mantri ki niyukti bhi ki ja sakti hai. filhaal, vittamantri arun jetali ke paas hi raksha mantraalaya ka atirikt prabhaar hai. Pradhaanamantri Narendra Modi ke is kadam ne jahaan kai logon ko chaukaaya tha, vaheen virodhiyon ne iski aalochna ki thi. vaheen mangalvaar ko apna padabhaar sambhaalne vaale arun jetali ne bhi kaha tha ki unhein ummeed hai ki 'Ek do hafte' mein poornakaalik rakshaamantri ki ghoshana ki ja sakti hai. sootron ke mutaabik, yeh mantrimandal vistaar do July ko shuroo ho rahe sansad ke bajat satr se pehle hone ki ummeed hai aur iske tahat Narendra Modi apne mantrimandal mein 25 aur raajyamantriyon ko shaamil kar sakte hain. Somvaar ko pradhaanamantri pad ki shapath lene vaale Narendra Modi ki 45 sadasyeeya mantrimandal mein 23 cabinet mantri hai, jo ki ab tak ka sabse chhota mantrimandal hai. is mantrimandal vistaar mein pradhaanamantri Rajasthan, uttaraakhand aur Himachal pradesh ka pratinidhitv badha sakte hain, jahaan party ne sarveshreshth pradarshan karte hue saari seatein apne naam kar li thi.

Agale Kuchh Hafton Mein Ho Sakta Hai Mantrimandal Vistaar Sootr https://www.angrejinews.com/pic/52146