Agale Hafte Hogi Ek Balaatkaari Ko Faansi, Raashtrapati Ne Thukaraayi Daya Yaachika

Breaking »

Agale Hafte Hogi Ek Balaatkaari Ko Faansi, Raashtrapati Ne Thukaraayi Daya Yaachika

nai Delhi. . Raashtrapati pranav mukharji ne faansi ke maamale mein ek aur daya yaachika khaarij kar di hai. Rape mein doshi thaharaae gaye Haryana ke dharmapaal ne pairol par riha hone ke baad rape peedita parivaar ke paanch sadasyon ki hatya kar di thi. Dharmapaal ki 14 saalon se daya yaachika peinding mein thi jise pranav mukharji ne khaarij kar di. Ab agale hafte dharmapaal ko faansi di jaaegi. 1991 mein dharmapaal par soneepat mein ek ladki ke saath rape ke aarop lage. 1993 mein ise 10 saal kaid ki saja mili. Dharmapaal ne ladki ko court mein gavaahi dene par dhamaki di thi. Vah 1993 mein paanch dinon ke liye pairol par riha huaa. Jab ladki ke parivaar vaale so rahe the tab dharmapaal ne in par hamla bol diya. Dharmapaal ne peedita ke maata-pita tale Ram aur Krishna, bahan neelam, bhaai praveen aur teenoo par andhaadhundh laathi chalaakar hatya kar di. Dharmapaal ke bhaai nirmal ne inki hatya karne mein madad ki thi. Donon ko maut ki saja di gayi. Supreme court ne 1999 mein dharmapaal ki saja kaayam rakhi lekin nirmal ki saja umr kaid mein tabdeel kar di. Nirmal 2001 mein pairol par riha huaa to faraar ho gaya. Use 10 saal baad fir se arest kiya gaya. Dharmapaal ne pehle 1999 mein daya yaachika daakhil ki. Agale hi saal daya yaachika khaarij kar di gayi. Usane fir se 2005 mein daya yaachika daakhil ki lekin tab se pichhle saal December tak yaachika peinding mein padi rahi. Iske baad gruh mantraalaya ne dharmapaal samet 7 daya yaachika raashtrapati ke paas bheji. Raashtrapati pranav mukharji ne dharmapaal ki yaachika khaarij kar di. Ab Haryana sarkaar dharmapaal ki faansi ke liye taiyaari kar rahi hai. Haryana mein 19 jail hain lekin Ambala aur hisaar mein hi faansi dene ki suvidha hai. Antim faansi 1989 mein Ambala jail mein hatyaara gulaab Singh ko di gayi thi. Dharmapaal filhaal Rohtak jail mein hai. Haryana ke paas ko jallaad maujood naheen hai. Haalaanki jail suparinteindeint iske liye kisi ko bhi uchit samajhakar jimmedaari day sakte hain. Soneepat trial court se death vaurant milne ke baad sarkaar kuchh aupachaarikta poori karegi. Iske baad faansi ki taareekh tay ho jaaegi.

Agale Hafte Hogi Ek Balaatkaari Ko Faansi, Raashtrapati Ne Thukaraayi Daya Yaachika https://www.angrejinews.com/pic/4351