Agala Nishaana Olympic Mein Gold Medal Par Abbas Ansari

Sports »

Agala Nishaana Olympic Mein Gold Medal Par Abbas Ansari

Aajamagadh. . Uttar pradesh mein suvidhaaon ki kami ke kaaran Punjab ke liye khel rahe bhaarateeya junior skeet nishaanebaaji team ke kaptaan Abbas Ansari ki hasarat Rio di jeneriyo mein 2016 mein hone vaale olympic mein desh ke liye gold medal jeetne par hai. Abbas maoo ke baahubali vidhaayak mukhtaar Ansari ke bete hain aur pichhle saal 55veen naishanal shooting championship ki skeet spardha ke junior varg mein gold medal jeet chuke hain. Shooting range mein Punjab ka pratinidhitv karne vaale Abbas ne kaha ki unka agala nishaana isi maheene Saudi arab mein hone vaale shooting world cup mein senior skeet spardha ka gold medal jeetna hai. Haalaanki unka mukhya lakshya 2016 mein Rio di jeneriyo mein hone vaale olympic mein gold par nishaana lagaana hai. Abbas ne bataaya ki naishanal junior championship mein hissa lene ke liye unhein varishth nishaanebaaj manasher Singh se bandook maangani padi thi. Iske alaava abhyaas ke liye kaartooson ka intajaam bhi khud hi karna pada tha

Agala Nishaana Olympic Mein Gold Medal Par Abbas Ansari https://www.angrejinews.com/pic/3441