Afzal Guru Ke Parivaar Ko Mila Faansi Ki Soochana Ka Khat

India » Monday, February 11, 2013

Shreenagar: Varsh 2001 mein sansad bhavan par hue aatankvaadi hamle ke maastaramaaind Afzal guru ko faansi diye jaane ki soochana sarkaar ne uske Kashmir ke sopor mein base parivaar ko speedapost ke jariye bheji thi, lekin vah khat uske parijanon ko faansi de diye jaane ke do din baad somvaar ko mila. Is maamale mein aalochanaaon ka saamana kar rahi sarkaar ki or se keindreeya gruhamantri susheel Kumar shinde ne kaha hai ki unhonne Afzal guru ke parivaar ko 7 February ki raat ko hi khat bhejkar soochit kar diya tha, jabki faansi 9 February ko di gayi thi. Shinde ne kaha ki Afzal guru ke parijanon ko khat bheje jaane ke alaava unhonne Jammu evam Kashmir ke mukhyamantri umar abdulla ko bhi khud phone karke 8 February ko faansi ke kaaryakram ki soochana di thi. Unhonne kaha ki Ajmal Aamir kasaab aur Afzal guru ke maamale kaafi samvedansheel the, isliye sarkaar ne gopaneeyata barati. Unhonne kaha ki yeh maamala raajaneetik faisala naheen tha, balki kaanooni prakriya thi, aur humne sabhi niyamon ka paalan kiya. Afzal guru ke parivaar dvaara tihaad jail aakar namaaj ada karne ki arji par shinde ne kaha hai ki vah is par gaur kareinge. Is beech, Jammu evam Kashmir ke cheef postamaastar general ne NDTV se baatcheet ke dauraan bataaya tha ki sansad par hamle ke doshi Afzal guru ko faansi dene se pehle uske parivaar ko soochana dene ke liye bheja gaya speedapost aaj (somvaar, 11 February) uske ghar pahunch gaya hai. Cheef postamaastar general John saimual ke mutaabik kendra sarkaar dvaara faansi se pehle 8 February ko speedapost ke jariye bheja gaya khat shanivaar, 9 February ko shreenagar pahunch gaya tha, lekin us din shanivaar hone ke chalte yeh khat sopor mein base uske parivaar ko aaj mila. Daraasal, kendra sarkaar ne shanivaar ko Afzal guru ko faansi diye jaane ke baad daava kiya tha, ki raashtrapati dvaara Afzal guru ki daya yaachika khaarij kar diye jaane ki jaankaari Afzal guru ke parivaar ko speedapost ke jariye bheji gayi thi, lekin parivaar is daave ko galat bata raha tha. Kendreeya kaaraagaar sankhya 3, tihaad ke jail adheekshak ki or se 6 February ko likhe gaye is khat ko 8 February ko 00: 07 baje (7 February ki raat) speedapost ke jariye ravaana kiya gaya tha. Jail adheekshak ne yeh patra Afzal guru ki beevi tabassum ke naam bheja tha, jo seer - jaageer, police station sopor, jila baaraamoola, Jammu evam Kashmir ke pate par rahati hai. Patra mein tabassum ko khabar di gayi hai ki raashtrapati ne Afzal guru ki daya yaachika ko khaarij kar diya hai, aur use (Afzal guru ko) faansi dene ke liye shanivaar, 9 February subah aath baje ka vakt tay kiya gaya hai.