Afghanistan Mein Pakistan Ki Samasyaaen Badha Raha Hai Bhaarat Haigal
Breaking » Wednesday, February 27, 2013
Washington: Afghanistan mein Bhaarat ki bhoomika ke sambandh mein ameriki raashtrapati Barack Obama ke prashaasan ke vichaaron ke vipreet nae rakshaamantri chak haigal ne aarop lagaaya hai ki Bhaarat varshon se Afghanistan mein Pakistan se lagi seema par samasyaaon ka vittaposhan kar raha hai. Okalaahoma Cameroon university mein varsh 2011 mein diye gaye ek bhaashan (jo kabhi baahar naheen aaya) ke video ko 'Washington free bekans' ne upload kiya hai. Bhaarat ne is bhaashan par teekhi pratikriya vyakt karte hue kaha hai ki aisi tippaniyaan Afghanistan ke kalyaan ke liye usaki pratibaddhata ki 'Sachchaai ke vipreet' hain. Vaheen Bhaarat sarkaar aur vipaksh donon ne kaha hai ki America ke nae rakshaamantri ko tathyon ko theek se jaanch−parakh lena chaahiye aur doosare deshon ke maamale mein dakhal dene se bachana chaahiye. Is maamale mein vipaksh ne sarkaar se America ko uchit javaab dene ke liye kahe jaane ki maang ki hai. Haigal ne apne bhaashan mein kaha tha, kuchh vakt se Bhaarat ne Afghanistan ko hamesha yuddh ke doosare morche (Pakistan ke saath yuddh ka doosra morcha) ke roop mein istemaal kiya hai aur Bhaarat varshon se Pakistan ki seema (Afghanistan-Pakistan seema) par utpann samasyaaon ka vittaposhan kar raha hai. Is tippani par pratikriya vyakt karte hue yahaan bhaarateeya dootaavaas ne kaha hai, lambe samay se Bhaarat ke mitr aur Bhaarat-America ke nikat sambandhon ki sifaarish karne vaale senator haigal ki yah tippaniyaan Afghanistan ke logon ke kalyaan ke liye Bhaarat ki pratibaddhata ki sachchaai ke bilkul vipreet hain. Bhaarateeya dootaavaas ka kehna hai ki shaantipoorn, sthaayi aur samruddh Afghanistan ke prati Bhaarat ki pratibaddhata drudh hai aur yah Afghanistan ki arthavyavastha tatha dhaanchaagat suvidhaaon ke vikaas mein hamaari madad se saaf jhalakata hai. Dootaavaas ne kaha hai, aatankvaad aur hamaare pados mein usaki surakshit panaahagaahon par hamaara virodh drudh aur achal hai. Usane kaha, Bhaarat ke vikaas sahayog ki logon aur Afghanistan sarkaar ne prashansa ki hai aur America sahit anya mitron ne bhi ise pasand kiya hai.