Afghanistan Ko Har Madad Dega Bhaarat

Breaking »

Afghanistan Ko Har Madad Dega Bhaarat

Vishesh pratinidhi nai Delhi. . Afghanistan ki suraksha ke liye Bhaarat ne har tarah ki madad dene ka bharosa diya hai. Raashtrapati haamid karajai ki yahaan pradhaanamantri Manmohan Singh aur raashtrapati pranav mukharji se baatcheet ke ek din baad yahaan videsh mantraalaya ke pravakta ne kaha ki Bhaarat apni saamarthya ke bheetar Afghanistan ko samuchit madad dega. Agale saal hat jaaengi intaranaishanal fauj : Afghanistan se ameriki aguvaai waali kareeb sava lakh antararaashtreeya fauj agale saal se hat jaaegi. Isliye Afghanistan ke surakshit bhavishya ko lekar Afghanistan ke logon aur antararaashtreeya samudaaya mein bhaari chinta hai. Raashtrapati haamid karajai ne bhaarateeya netaaon se sainya madad ke tahat hathiyaaron ki saplaai maangi thi lekin iski saaf pushti kiye bina videsh mantraalaya ne kaha ki Afghanistan ki suraksha mein Bhaarat madad karega. Pravakta ne kaha ki jaise jaise Afghanistan aarthik, raajaneetik aur suraksha badlaav ki or ja raha hai ham yah mahasoos karte hain ki Bhaarat aur Afghanistan ke beech saamarik saajhedaari ke aadhaar par ham vahaan suraksha aur sthirta ko badhaava dene mein poori madad kareinge. Pravakta ne kaha ki Afghanistan ke is badlaav ke daur mein ham iske saath khade hone ko taiyaar hain aur iske liye samuchit aur jimmedaar bhoomika nibhaaenge. Iske pehle raashtrapati karajai ne patrakaaron se baatcheet mein kaha tha ki hamaari ek maang soochi hai jise humne Bhaarat sarkaar ke saamane rakhi hai. Yahaan raajanayik sootron ke mutaabik, Afghanistan ki suraksha ko lekar Bhaarat chintit hai. Vahaan se ameriki fauj ke hatne ke baad suraksha ki jimmedaari Afghanistan naishanal army sanbhaalegi, lekin taalibaan se ladne ki iski kshamata par shak kiya ja raha hai. Afghanistan ke surakshit bhavishya ko lekar Bhaarat ne pichhle ek dashak ke bheetar apna kaafi kuchh daanv par lagaaya hai. Is dauraan Bhaarat ne vahaan do arab dollar se bhi jyaada ke nivesh kiye hain jiske tahat vahaan na keval 220 kimi lambi sadak banaai gayi hai balki bijli traansamishn line aur Salma baandh bhi banaaya hai. Iske alaava kaabul mein Afghanistan ki sansad ke bhavan ka nirmaan bhi kiya hai. Karajai ke daure ke baare mein videsh mantraalaya ke pravakta ne kaha ki isse Bhaarat aur Afghanistan ke beech saamarik saajhedaari aur majaboot hui hai.

Afghanistan Ko Har Madad Dega Bhaarat https://www.angrejinews.com/pic/9390