Afghanistan Havaai Hamle Mein 31 Aatankvaadi Maare Gaye

World »

Afghanistan Havaai Hamle Mein 31 Aatankvaadi Maare Gaye

Gajani Afghanistan ke dakshin-poorvi ilaake mein hue havaai hamlon mein 31 aatankvaadi maare gaye hain. Maana ja raha hai ki inmein jyaadaatar al-kaayada ke aatankvaadi the. Adhikaariyon ne guruvaar ko bataaya ki gajani praant mein Budhvaar der raat havaai hamle kiye gaye. Raksha mantraalaya ka kehna hai ki is dauraan aatankvaadi thikaane ko nishaana banaaya gaya. Mantraalaya ne bataaya ki al-kaayada se juda kaari aaref nau aatmaghaati hamlaavaron sahit 31 aatankvaadiyon ko doosari jagah bhej raha tha. Is dauraan havaai hamle mein unheen kaaron ko nishaana banaaya gaya. Mantraalaya ne bataaya ki sabhi aatankvaadi madhya-poorv ke jihaadi samooh se jude hue the. Gajani ke Governor ke pravakta ne bataaya ki Taliban se jude hakkaani network ke ladaake bhi unamein shaamil the. Haalaanki raksha mantraalaya ne yeh spasht naheen kiya hai ki havaai hamle kisne kiye. Afghanistan mein havaai hamle Afghan ya ameriki bal hi karte hain.

Afghanistan Havaai Hamle Mein 31 Aatankvaadi Maare Gaye https://www.angrejinews.com/pic/261269