'Afaspa Hataakar Meri Bhookh Hadtaal Khatm Karaaen Pradhaanamantri Modi Irom Sharmila

Breaking »

'Afaspa Hataakar Meri Bhookh Hadtaal Khatm Karaaen Pradhaanamantri Modi  Irom Sharmila

File photo File photo Kolkata: manipur ki 'Lauh mahila' ke naam se mashahoor irom chaanoo sharmila ne pradhaanamantri Narendra Modi se appeal ki hai ki vah 'Damanakaari' sashastr bal visheshaadhikaar kaanoon (afaspa) hataakar 14 saal se jaari unki bhookh hadtaal khatm karaane mein madad karein. sharmila ne Modi ko likhe ek chitthi mein kaha, 'Sansad mein aapki koshishon se afsapa, 1958 hataane ko lekar main apni aajaadi ke din gin rahi hoon. Lihaaja, aap vah sarvashaktimaan neta banein jo yeh kaanoon hataakar 14 saal se jaari mera anashan aakhirkaar khatm kara dein. ' chitthi mein sharmila ne afsos jataaya, 'Afaspa, 1958 ke tahat maarane ki license rakhakar Bhaarat sarkaar hajaaron hatyaaen kar rahi hai aur pichhle kuchh dashakon mein kai nirdosh log laapata bhi hue hain. ' sharmila ne savaal kiya ki aakhir sansad desh ke baaki hisson ki tulana mein poorvottar ko ek ashaant kshetr ghoshit kar usase alag tarah ka salook kyon karti hai aur 'Sashastr balon ke saath hawaldaar raink ke karmi ko bhi kisi ke ugravaadi hone ke sandeh ke aadhaar par usaki hatya karne, use prataadit karne ya usase balaatkaar karne ki ijaajat kaise deti hai. ' sharmila ne kaha ki 'Aisi maanasikta' jyaada se jyaada ugravaadi tatvon ke paida hone mein madadgaar rahi hain. unhonne patra mein Modi se anurodh kiya, 'Krupaya hamein insaan hone ke buniyaadi adhikaar muhaiya karaaen taaki ham aatmasammaan aur garima se ji sakein. ' sharmila ne khud ko ek yuva mahila bataate hue samvidhaan ke tahat jeevan ke adhikaar ki maang ki. sharmila ne pradhaanamantri ka dhyaan is or bhi dilaaya ki ashaant kshetr ka darja diye jaane se poorvottar kshetr mein paryatan udyog prabhaavit hua hai.

'Afaspa Hataakar Meri Bhookh Hadtaal Khatm Karaaen Pradhaanamantri Modi Irom Sharmila https://www.angrejinews.com/pic/52270