Advani Ne Modi Ko Badhaai To Di, Lekin Jeet Ka Saara Shreya Naheen Diya

India »

Advani Ne Modi Ko Badhaai To Di, Lekin Jeet Ka Saara Shreya Naheen Diya

Nai Delhi: BJP ke varishth neta Lal Krishna Advani ne Loksabha chunaav mein party ke shaanadaar pradarshan ke liye Narendra Modi ko badhaai to di, lekin iska poora shreya unhein dene se bachate hue kaha ki party ki is abhootapoorv jeet mein unke netrutv ka kitna yogadaan raha iska aakalan karne ki jaroorat hai. BJP ke vayovruddh neta Advani ke rishte Modi se koi bahut achhe naheen rahe hain. Unhonne Loksabha chunaav mein party ko apne dam par spasht bahumat milne ke spasht sanket milne ke baad Modi ko phone kiya. Party ki jeet se bhaavuk Advani jeet ke jashn ka hissa banane ke liye party mukhyaalaya bhi gaye. unhonne kaha ki desh ne apne itihaas mein aisa chunaav kabhi naheen dekha. Unhonne BJP ki jeet ko bhrashtaachaar, kushaasan aur vanshavaad ke shaasan ke prati logon ke gusse ka parinaam bataaya aur raajaneeti mein maujood logon se isse sabak lene ko kaha. kisi savaal ka javaab dene se inkaar karte hue Advani ne kaha, ham un jagahon se jeete hain, jahaan pehle kabhi naheen jeete. In sab cheejon ke beech jo log sarkaar mein satta mein hain aur jo log raajaneeti mein hain, unhein is parinaam ka vishleshan karna chaahiye aur sabak lena chaahiye. party ke aitihaasik pradarshan ka saara shreya Modi ko dene se hichkicha rahe Advani ne kaha, is jeet mein Modi ke netrutv, RSS aur BJP jaise anya sangathanon ke yogadaan ka vishleshan karna chaahiye. Lekin aaj ke parinaam mukhyat: Bhrashtaachaar, kushaasan aur vanshavaad ke shaasan ke khilaaf hai. unhonne kaha ki vah parinaam se bahut khush hain aur kaha ki is baat ka gahan vishleshan hona chaahiye ki party ko is tarah ka janaadhaar kaise mila. Unhonne kaha, mujhe lagta hai ki Bhaarat ke itihaas mein aisa chunaav pehle kabhi naheen hua.

Advani Ne Modi Ko Badhaai To Di, Lekin Jeet Ka Saara Shreya Naheen Diya https://www.angrejinews.com/pic/50739