Advani Naheen, Sumitra Mahaajan Ko Banaaya Ja Sakta Hai Loksabha Ka Adhyaksh Sootr

Breaking »

Advani Naheen, Sumitra Mahaajan Ko Banaaya Ja Sakta Hai Loksabha Ka Adhyaksh  Sootr

File photo File photo Nai Delhi: Bhaarat ke 15vein pradhaanamantri ke roop mein Narendra Modi ke shapathagrahan se ek din pehle aaj unke nae mantrimandal ko antim svaroop diya ja raha hai. is beech sootron ne NDTV ko bataaya hai ki BJP ki varishth neta aur Indore se aath baar saansad raheen sumitra mahaajan ko Loksabha ka adhyaksh banaaya ja sakta hai. Vah sabse lambi avadhi tak saansad rahane waali mahila hai. Mahaajan ke alaava, kariya munda ka naam bhi charcha mein hai, jinhein 15veen Loksabha ka upaadhyaksh banaaya ja sakta hai. yeh khabar varishth BJP Lal Krishna Advani ke liye ek jhatka ho sakta hai, jo kathit roop mein Loksabha adhyaksh pad ke liye apni ruchi jaahir kar chuke hain, jahaan unhein pradhaanamantri ko seedhe report naheen karna hoga. Sootron ke mutaabik, is pad ke liye Advani ke naam par vichaar naheen kiya gaya. sootron ne bataaya ki Rajnath Singh, arun jetali, Sushma Swaraj, nitin gadkari, arun shauri, vekainya naayadu aur anant Kumar sahit party ke kuchh varishth netaaon ko mantrimandal mein jagah di sakti hai. Iske saath hi unhonne bataaya ki party mantrimandal mein apne sahayogiyon ki jagah par bhi vichaar kar rahi hai. lokajanashakti party pramukh raamavilaas paasavaan, raashtreeya lok samata party ke neta upeindr Kushwaha ko Modi cabinet mein jagah mil sakti hai.

Advani Naheen, Sumitra Mahaajan Ko Banaaya Ja Sakta Hai Loksabha Ka Adhyaksh Sootr https://www.angrejinews.com/pic/51725