Advani Ke Baad Mulaayam Ne Ki Shyaama Prasaad Mukharji Ki Taareef
Breaking » Wednesday, April 3, 2013
Nai Delhi. . UPA sarkaar ko baahar se samarthan day rahi samaajavaadi party ke adhyaksh mulaayam Singh Yadav ne ek baar fir Congress par nishaana saadha hai, vaheen doosari taraf unhonne janasangh ke sansthaapak shyaama prasaad mukharji ki taareef karke sabko chaunka diya hai. Mulaayam ne Budhvaar ko andesha jaahir kiya ki kendra sarkaar unhein CBI ke jariye jail bhijva sakti hai. Iske pehle mulaayam ne Congress ko dhokhebaaj karaar diya tha. Vaheen unhonne kuchh din pehle BJP neta Lal Krishna Advani ki bhi taareef ki thi. Saath hi party ke mahaasachiv raamagopaal Yadav ne kaha tha ki NDA sarkaar UPA se behtar thi. Mulaayam bhi November mein Loksabha chunaav hone ke daave kar rahe hain, to Advani ne bhi kaha hai ki aam chunaav vakt se pehle November mein ho sakte hain. Advani aur mulaayam ke in bayaanon par tamaam siyaasi atkalein lagaai ja rahi hain. Lucknow mein patrakaaron se baatcheet mein mulaayam ne kaha ki sarkaar ke hajaaron haath hote hain. Vah CBI ka durupayog karte hue unhein jail bhijva sakti hai. Mulaayam Singh Yadav ne ek anya kaaryakram mein kaha ki shyaama prasaad mukharji koi maamooli insaan naheen the, vah bade neta the. Bhale hi janasangh ke the, lekin vah desh ki aajaadi ke liye ladaai lade. Aajaadi ke liye unki shaanadaar bhoomika rahi. Lohiya aur jayaprakaash ji ki bhi shaanadaar bhoomika rahi. Ek taraf jahaan mulaayam hindutv ke bade pairokaaron mein ek shyaama prasaad mukharji ki taareef kar rahe the to doosari or BJP neta Lal Krishna Advani ne chitrakoot mein UP BJP kaaryasamiti ki baithak mein Ram manohar lohiya ki taareef ki. Advani ne kaha ki lohiya janasangh ki raashtravaadi neetiyon ke paksh mein the. Is par jab mulaayam Singh se poochha gaya to unhonne kaha ki Advani ji ne lohiya ki taareef ki hai, to ismein kya galat hai. Mulaayam ne kaha ki har party mein achhe neta hain aur unki taareef karna galat naheen hai. Raajaneetik panditon ka kehna hai ki mulaayam aisa isliye kar rahe hain taaki 2014 ke aam chunaav ke baad jab koi aisi raajaneetik sthiti bane jismein unhein BJP se samarthan lena ya dena pade to unhein kisi hichk ka saamana naheen karna pade. Udhar, mulaayam Singh ke khilaaf morcha khole keindreeya mantri beneeprasaad varma Budhvaar ko seejafaayar ke mood mein dikhe. Patrakaaron ne jab unase mulaayam Singh ke baare mein savaal poochhana chaaha to unka javaab tha, 'Udhar se seejafaayar hai to idhar se bhi seejafaayar hai. '