Advani Fevaret, Namo Ko No

India »

Advani Fevaret, Namo Ko No

pramukh samvaadadaata. Nai Delhi BJP ko lekar naram aur Narendra Modi par sakht rukh bane rahane ke sanket ke saath NDA ke aham saathi JDU ki do dinon ki naishanal kaaunsil ki meeting shuroo hui. Party ne kaha ki secular bane rahana usaki sabse badi prauyoriti hai. Party ne yah bhi kaha hai ki neeteesh Kumar pradhaanamantri pad ke ummeedavaar naheen hain. JDU ne sanket diye ki BJP ke senior neta Lal Krishna Advani ke naam par unhein koi aapatti naheen hai. Haalaanki party raajaneetik prastaav mein BJP ko pradhaanamantri pad ke mudde par koi deadline ya pasand bataaegi ya naheen is par suspense hai. Party ka raajaneetik prastaav ravivaar ko paas hoga. Is mauke par neeteesh Kumar bhi khule satr mein party netaaon ko sambodhit kareinge, jismein vah aage ki raajaneeti ka khulaasa kar sakte hain. Is beech taaje raajaneetik haalaat mein BJP adhyaksh Rajnath Singh sahit doosare senior netaaon ne neeteesh aur sharad Yadav se baat kar maamale ko sulajhaane ki koshish ki. Neeteesh ka bhaashan aaj : Pradhaanamantri pad ke mudde par BJP ko JDU ki or se koi deadline di jaaegi ya naheen, iska khulaasa ravivaar ko hoga jab party ki or se raajaneetik prastaav paas hoga. Prastaav mein JDU apni pasand ke baare mein bataaega jismein secular chhavi ke PM ka samarthan karne ka jikr ho sakta hai. Do dinon ke is adhiveshan ka samaapan neeteesh Kumar ke bhaashan ke saath hoga. Modi danga rokane mein naakaam : Baithak ke baad pravakta ke si tyaagi ne kaha ki jab 2002 ke Gujarat dange hue tab Narendra Modi raajya ke pradhaan the. Jis mustaidi se unhein kaarravaai karni chaahiye thi, usamein vah vifal rahe. Unhonne kaha ki neeteesh Kumar pradhaanamantri pad ke ummeedavaar naheen hai. Yah poochhe jaane par ki Rajnath Singh samet BJP ke kai neta Modi ko lokapriya bata rahe hain, party pravakta ne kaha ki lokapriya hona ek baat hai aur pradhaanamantri banana doosari baat. Haalaanki JDU ne kaha ki BJP mitr party hai jabki Congress mitr naheen hai. Mitron ke saath na to koi saudebaaji hoti hai aur na hi us par dabaav banaaya jaata hai. Modi ke mudde par gathabandhan todne aur Congress ke saath jaane ki atkalon ke baare mein poochhe jaane par party pravakta ne kaha ki BJP ne abhi apne pradhaanamantri pad ke ummeedavaar ka naam tay naheen kiya hai. Jab tak party pradhaanamantri pad ke ummeedavaar ka naam ghoshit naheen karti tab tak vah tippani naheen kar sakte. Gujarat ke neta bhi khafa : JDU ki kaaryakaarini ki meeting mein Gujarat se aae party neta ne Modi sarkaar par jamkar hamla kiya. Sootron ke anusaar party neta anil bhagat ne aarop lagaaya ki Gujarat mein koi bhi aniyamitata ki shikaayat karne par Modi sarkaar farji police case kar prataadit karti hai. Vikaas ke galat aankade pesh karti hai. Unhonne apni baat ko saabit karne ke liye poori report pesh ki jis vahaan maujood neeteesh Kumar se gaur se padha. Meeting mein Karnataka , Jharkhand , uttarapradesh , Rajasthan samet kai raajyon ke adhyakshon ne shikaayat ki ki in raajyon mein BJP ke saath gathabandhan theek dhang se aage naheen badh raha hai. Advani ka naam bhi bataur PM saamane aaya JDU ke andar kuchh netaaon ne Modi ke bajaay BJP ke varishth neta Lal Krishna Advani ko behtar bataaya. Party pravakta ke si tyaagi ne kaha ki Advani ke netrutv mein vah pehle chunaav lad chuke hain to fir unase virodh kaisa ? Vaheen Bihar sarkaar mein mantri Shahid Ali Khan ne kaha ki Advani pehle bhi NDA sarkaar mein gruh mantri ke roop mein kaam kar chuke hain. Ve upapradhaanamantri bhi rahe. Unki chhavi Bhaarat mein behtar rahi hai. Sharad Yadav bane teesari baar adhyaksh vaheen raashtreeya kaaryakaarani ki do divseeya baithak ke pehle din sharad Yadav ko lagaataar teesari baar party ka raashtreeya adhyaksh banaae jaane ki aupachaarik ghoshana kar di gayi. Iske liye party ne apne samvidhaan mein ferabadal kiye.

Advani Fevaret, Namo Ko No https://www.angrejinews.com/pic/5500