Adaani Ke Koyala Bandargaah Vistaar Ke Liye Karj Naheen Dega Dyoosh Bank

Business »

Adaani Ke Koyala Bandargaah Vistaar Ke Liye Karj Naheen Dega Dyoosh Bank

Melbourne dyoosh bank ne paryaavaran ke lihaaj se samvedansheel gret bairiyr reef ke sameep duniya ke sabse bade koyala bandargaah ka Bhaarat ke adaani samooh dvaara kiye ja rahe vistaar ke vitt poshan se inkaar kiya hai. Paryaavaran sangathanon ke virodh pradarshan ke baad vitteeya sansthaan ne yeh nirnaya kiya hai. Australia ne pichhle saal kadi paryaavaran sharton ke saath ebot point ke paas koyala bandargaah vistaar ki manjoori di hai. Paryaavaranavid iske khilaaf hain. Yoonesko ne chetaavani dete hue kaha hai ki isse reef ki naajuk paaristhitiki par asar pad sakta hai. Adaani samooh aur GVK dvaara vistaar yojana ke tahat 30 lakh ghan meter gaad daale jaane ki anumati diye jaane ko lekar peris sthit agency ne reef ko khatre mein vishv dharohar ki shreni mein daalne ki chetaavani di hai. Gret bairiyr reef duniya ka sabse bada pravaal reef hai jo 2,300 kilometer kshetr mein faila hai. Paryaavaran sangathanon ke virodh pradarshan ko dekhte hue Germany ke sabse bade bank ne kaha ki vah ebot point kol terminal ke liye dhan naheen dega. Apni website par diye bayaan mein dyoosh bank ne kaha hai ki vah bandargaah vikaas ke liye vitteeya sansaadhan jutaane ke aavedan ko naheen dekhega kyonki is maamale mein Australiaee sarkaar aur yoonesko ke beech paryaavaraneeya prabhaav ko lekar sahamati naheen hai.

Adaani Ke Koyala Bandargaah Vistaar Ke Liye Karj Naheen Dega Dyoosh Bank https://www.angrejinews.com/pic/51649