Adaalat Ne Raaj Thackeray Ke Khilaaf FIR Darj Karne Ka Aadesh Diya

Breaking » Monday, February 11, 2013

Nai Delhi: Delhi ki ek adaalat ne somvaar ko Delhi police ko Maharashtra navanirmaan sena pramukh raaj Thackeray ke khilaaf kathit taur par uttar Bhaarat ke musalmaanon ko alagaavavaadi bataane aur unhein raajya se baahar karne ki baat kehne ke liye FIR darj karne ka nirdesh diya. Adaalat ne kaha ki police ka yah praathamik kartavya banta hai ki vah FIR darj kare aur jaanch kare lekin adhikaari praathamik kartavya ka paalan karne mein vifal rahe hain. Atirikt mukhya metropolitan magistrate sameer Vajpayee ka yah aadesh adhivakta mithilesh Kumar Pande ki yaachika par aaya jinhonne mumbai mein Thackeray ki rally mein unke bhaashan ka havaala diya tha. Ismein Thackeray ne asam dange ke virodh mein 11 August 2012 ki hinsa ke liye kathit taur par uttar pradesh, Bihar aur Jharkhand ke musalmaanon par aarop lagaaya tha.