Achhi Kismat Ke Dam Par Kheli Career Ki Sarvashreshth Paari David Miller

Cricket »

Achhi Kismat Ke Dam Par Kheli Career Ki Sarvashreshth Paari David Miller

Mohali. . Kings eleven Punjab ko IPL mein royal Challengers Bengaluru par chamatkaarik jeet dilaane vaale yuva ballebaaj David Miller ne kaha hai ki achhe balle aur achhi kismat ke dam par vah apne career ki sarvashreshth paari khel sake. Dakshin Africa ke 23 saal ke ballebaaj Miller ne 190 run ke lakshya ka peechha karte hue 38 geind mein naabaad 101 run banaakar Punjab ko jeet dilaai. Unhonne kaha, 'Maine apni paari ka poora maja liya aur apni or se sarvashreshth khel dikhaane ki poori koshish ki. ' Miller ne kaha, 'Shuruaati 10-15 geind main sanbhalakar khelna chaahata tha lekin uske baad tej khelna jaroori tha, kyonki hamein 12 run prati over se lakshya ka peechha karna tha. Bengaluru ke kaptaan viraat Kohli ne Miller ko us samay jeevanadaan diya, jab vah 41 run ke score par the. Miller ne kaha, 'Maine shuroo mein kuchh geindein chhodeen aur mujhe jeevanadaan bhi mila. Kismat ne samay par mera saath diya aur uske baad maine mudkar naheen dekha. ' Punjab ke kaptaan David hasi ne kaha ki is jeet se team ka manobal badhega. Unhonne kaha, 'Team ka manobal badha hai. Is tarah ki paari se aatmavishvaas badhata hai. Geindabaajon ki bhi taareef karni hogi, jinhonne apne kaam ko bakhoobi anjaam diya.

Achhi Kismat Ke Dam Par Kheli Career Ki Sarvashreshth Paari David Miller https://www.angrejinews.com/pic/7960