Achhi Boling Ke Liye Zaheer Ne Kiya Motivet Jayadev Unaadakat

Cricket »

Achhi Boling Ke Liye Zaheer Ne Kiya Motivet Jayadev Unaadakat

Nai Delhi. . Royal Challengers Bengaluru ke paas bhale hi koi geindabaaji coach naheen hai lekin team ke yuva tej geindabaaj jayadev unaadakat ka maanana hai ki chot ke kaaran IPL chhah mein ab tak ek bhi match naheen khel paane vaale Zaheer Khan yah bhoomika bakhoobi nibha rahe hain. Unaadakat ne shukravaar raat Delhi Daredevils ke liye apne career ka sarvashreshth pradarshan karte hue 25 run dekar paanch wicket liye aur iska shreya Zaheer ko bhi diya jo samay samay par unhein mahatvapoorn salaah dete rahate hain. Unaadakat ne match ke baad samvaadadaataaon se kaha, 'Zaheer bhaai mujhe lagaataar guide karte rahe hain. Unki salaah kaafi kaam aa rahi hai. Hamaari team mein aar pi Singh, Zaheer bhaai aur Rampal jaise antararaashtreeya star ke geindabaaj hain tatha yuva geindabaajon ko unki salaah ka faayda mil raha hai. Ab bhi kuchh area hai jinmein sudhaar ki jaroorat hai. ' Bengaluru ne yah match chaar run ke kareebi antar se jeeta. Delhi ko aakhiri over mein 19 run ki darkaar thi lekin unaadakat ne is over mein keval 14 run diye. Unhonne kaha, 'Mainne isse pehle teen achhe over kiye the isliye mera aatmavishvaas badha huaa tha. Mujhe laga ki hamein yah match jeetna chaahiye kyonki pichhle do match mein ham kareebi antar se haar gaye the. Mainne ek baar mein keval ek geind ke baare mein socha tatha apni rananeeti ke anusaar geindabaaji ki. ' unaadakat ne kaha, 'Mujhe khushi hai ki kaptaan aur coach ne mujh par bharosa dikhaaya. Yah hamaare liye mahatvapoorn match tha. Hamein yah har haal mein jeetna tha aur main vaastav mein ismein yogadaan dekar khush hoon. ' is yuva tej geindabaaj ne kaha ki beech-beech mein dheemi geind karna unka majaboot paksh hai aur Delhi ke khilaaf unhonne iska bakhoobi istemaal kiya. Unhonne kaha, 'Humne keval jayavardhane ya Sehwag ke liye naheen balki poori team ke liye rananeeti banaayi thi. Hamaari rananeeti teji mein achaanak badlaav karna tha. Wicket kaafi shushk tha aur ham apni rananeeti par kaayam rahe. Mainne beech-beech mein kaafi dheemi geindein bhi ki aur mujhe isse safalta mili. ' unaadakat ne khushi jataai ki unki team kris Gale ke yogadaan ke bina bhi jeet darj karne mein safal rahi. Gale kal keval chaar run banaakar out ho gaye the. Unhonne kaha, 'Haan hamein Gale se hamesha jyaada ummeed rahati hai. Vah vaastav mein bahut achha pradarshan kar rahe hain lekin aisa naheen hai team poori tarah se Gale par nirbhar hai. Hamaare paas teen chaar vishvastareeya ballebaaj hain jinhonne samay-samay par apna yogadaan diya hai. ' kaptaan viraat Kohli ke 99 run par out hone ke baare mein unaadakat ne kaha, 'Vah shatak banaane ke hakdaar the. Unhonne behatareen paari kheli. Yadi vah shatak banaate to behtar hota. ' is beech Delhi Daredevils ki taraf se pehli baar kaptaani ka jimma sambhaalne vaale David Warner ne Umesh Yadav ka bachaav kiya jinhonne chaar over mein 65 run lutaae. Inmein se 47 run unhonne apne aakhiri do ovaro mein diye. Warner ne kaha, 'Yah haar niraashaajanak hai, lekin Bengaluru ke ballebaajon ko poora shreya jaata hai. Haar ka dosh keval Umesh par hi naheen madha ja sakta hai. Humne death overon mein achhi geindabaaji naheen hai aur ismein sudhaar karna hoga.

Achhi Boling Ke Liye Zaheer Ne Kiya Motivet Jayadev Unaadakat https://www.angrejinews.com/pic/8356