Achha Kaamkaaj Muslimon Ko Hamaare Sameep Laaega Amit Shaah

Breaking »

Achha Kaamkaaj Muslimon Ko Hamaare Sameep Laaega  Amit Shaah

Amit shaah ki file tasveer Amit shaah ki file tasveer Nai Delhi: BJP ke uttar pradesh prabhaari amit shaah ne ummeed jataai hai ki agar NDA satta mein aati hai, to usaka achha kaamkaaj BJP ko muslimon ke kareeb laaega. Unhonne kaha ki ab tak muslimon ne BJP se doori bana rakhi hai. amit shaah ne ek TV channel se kaha, jabase BJP astitv mein I hai, muslim samudaaya aur party ke beech doori karne ka khel khela gaya hai. Iske kaaran muslim matadaataaon aur BJP ke beech doori hai, lekin humne na hi hindu-muslim matadaataaon ko vibhaajit kiya aur na hi ham bhavishya mein aisa iraada rakhate hain. unhonne daava kiya, jab BJP kendra mein aaegi, hamaara achha kaamkaaj hamaare sabhi aalochakon ko galat saabit kar dega aur muslim hamaare kareeb aaenge. Amit shaah ne kaha ki BJP ne kabhi bhi kisi dharm ke saath bhedabhaav naheen kiya aur neetiyaan evam kaaryakram laagoo karte hue unhein samaan maana. unhonne vishvaas jataaya ki BJP 'Majaboot Modi lahar' ke chalte uttar pradesh mein 50 se adhik seatein jeet legi. Unhonne is aarop ko khaarij kiya ki basapa chunaav mein uske avsar ko kharaab karegi. Unhonne kaha ki maayaavati ka palada bhaari rahega, lekin BJP jeetegi.

Achha Kaamkaaj Muslimon Ko Hamaare Sameep Laaega Amit Shaah https://www.angrejinews.com/pic/50529