Abhitaabh Ko Sujit Ne Sankat Se Ubaara

Movies »

Abhitaabh Ko Sujit Ne Sankat Se Ubaara

upama Singh mahaanaayak Amitabh Bachchan aur sankat! Sunane mein ajeeb lagta hai na, lekin sach hai. Yeh baat kisi aur ne naheen, balki khud Amitabh ne yeh khulaasa kiya ki kis tarah ve sankat mein aa gaye the aur sujit sarkaar ne unhein kaise ubaara. Daraasal seeriyl yuddh pehli baar TV par bataur actor aur ko-pradyoosar debyoo kar rahe Amitabh ke man mein iske daayarekshan ke liye pehla naam anuraag kashyap ka aaya tha. Anuraag khushi khushi iska hissa ban bhi gaye, lekin unhonne saath hi yeh majaboori bhi jata di ki vah saare episode ke dauraan naheen rah paaenge, kyonki unhein apni film Bombay velvet poori karni hai. Aise aade samay mein jab sujit sarkaar se is baare mein poochha gaya to vah turant taiyaar ho gaye. Iske liye Amitabh ne unka shukriya bhi ada kiya. Amitabh ne bataaya, 'Ham log thode sankat mein the. Main, ko pradyoosar hone ke naate, vyaktigat roop se thoda sankat mein tha, kyonki anuraag shuroo ke kuchh episode mein aae, fir unhein Bombay velvet ki shooting ke liye jaana tha. Unhonne hamein pehle hi bata diya tha ki vah poore vakt saath naheen rah sakte, lekin ek aisi team banaakar de deinge. Fir hua ki sujit agar hamaare saath aae to bahut achha rahega. Sujit sab kaam chhodkar hamaare aae, lage, iske liye main unka dhanyavaad karta hoon. '

Abhitaabh Ko Sujit Ne Sankat Se Ubaara https://www.angrejinews.com/pic/53934