Abhi Humne Sahi Khel Khela Hi Kahaan Hai Irfan Pathaan

Cricket »

Abhi Humne Sahi Khel Khela Hi Kahaan Hai Irfan Pathaan

Mumbai. . Delhi Daredevils IPL mein apne pehle do match ganva baitha lekin all-rounder Irfan pathaan ka maanana hai ki ek baar team jab apni kshamata se khelna shuroo kar degi to use haraana mushkil hoga. Unhonne kaha, 'Imaandaari se kahoon to abhi tak ham apni kshamata se naheen khel paae hain. Yadi ham apni kshamata se khelna shuroo kar dein to ham is tournament mein kisi bhi team ko hara sakte hain. ' pathaan ne Delhi Daredevils aur Mumbai Indians ke beech kal Wankhede stadium mein hone vaale match ki poorv sandhya par kaha, 'Humne kai galatiyaan ki lekin achhi baat yah rahi ki in galatiyon ke baavajood ham jeet ke kaafi kareeb pahunche. Ek baar jab ham sahi cricket khelna shuroo kar deinge to kisi bhi team ko hara sakte hain. ' unhonne kaha, 'Kisi bhi team ko doosare daur mein kvaulifaai karne ke liye kam se kam nau se das match jeetne honge. Abhi tournament mein kaafi lamba raasta tay karna hai aur ham kaafi sakaaraatmak hain. Ham pichhle saal jaisa hi pradarshan karna chaahate hain. Ummeed hai ki kal se jeet ki shuruaat hogi. ' Virendra Sehwag peeth dard ke kaaran pehle do maichon mein naheen khel paaye the lekin ravivaar ko unhonne abhyaas kiya aur pathaan ne kaha ki vah khel paaenge ya naheen iska pata kal hi lagega. Unhonne kaha, 'Sehwag aaj yahaan hain. Unke khelne ke baare mein kal faisala kiya jaaega.

Abhi Humne Sahi Khel Khela Hi Kahaan Hai Irfan Pathaan https://www.angrejinews.com/pic/4870