Ab UP Ke Bareli Mein Yuvati Ka Jala Shav Baraamad

Breaking »

Ab UP Ke Bareli Mein Yuvati Ka Jala Shav Baraamad

Bareli: uttar pradesh ke bareli mein nagn avastha mein ek agyaat yuvati ka jala hua shav milne se ilaake mein sanasani fail gayi hai. Gaurtalab hai ki padosi jile badaayoon mein haal hi mein do kishoriyon ke saath saamoohik dushkarm aur unki hatya ki ghatna saamane aane se deshbhar mein rosh vyaapt hai. ghatna bareli ke bahedi thaana kshetr ke ainthaapur gaanv ki hai, jahaan shanivaar ko ganne ke khet ke paas kareeb 20-22 saal ki yuvati ka jala shav baraamad kiya gaya. police adhikaariyon ke mutaabik yuvati ki gala dabaakar hatya karne ke baad shinaakht mitaane ke liye uske chehare aur shareer ko petrol daalkar jalaaya gaya. Police yuvati ke saath dushkarm hone ki aashanka se inkaar naheen kar rahi hai. police adheekshak (graameen) Ram svaroop ne ravivaar ko samvaadadaataaon ko bataaya ki filhaal yuvati ki pehchaan naheen ho pai hai. Aisa lag raha hai ki hatya karne ke baad kaheen aur se laakar yuvati ka shav yahaan feinka gaya hai, police ghatna se jude sabhi pahaluon ki jaanch ki ja rahi hai.

Ab UP Ke Bareli Mein Yuvati Ka Jala Shav Baraamad https://www.angrejinews.com/pic/52408