Ab Pablik Ki Nabj Pakadegi SP

India »

Ab Pablik Ki Nabj Pakadegi SP

vishesh samvaadadaata. Lucknow : SP uttar pradesh mein 23 April se saghan janasanpark abhiyaan chalaaegi. Abhiyaan ke maadhyam se sarkaar apni saal bhar ke kaaryakaal ki upalabdhiyon ko janta ke saamane pesh karegi. Abhiyaan ki shuruaat ek bade kaaryakram se hogi. Is dauraan poore pradesh mein baithak, nukkad sabhaaen aur cycle yaatraaen kar janasanpark kiya jaaega, taaki Loksabha chunaav ka maahaul taiyaar ho sake. Mukhyamantri Akhilesh Yadav ne jila-mahanagar adhyakshon ko varishth padaadhikaariyon aur kaaryakartaaon ke samanvaya se 23 April ko bhavya kaaryakram aayojit karne ke nirdesh diye hain. Is kaaryakram mein cabinet ke mantriyon ke saath SP ke varishth neta bhi shaamil honge. Mukhyamantri ne kaha ki UP sarkaar ne ek saal ke kaaryakaal mein aam janta ke saath chunaav ke dauraan kiye gaye jyaadaatar vaayadon ko poora kar diya hai. Aane vaale dinon mein pradesh ka chautarafa vikaas hoga, jiski shuruaat ho chuki hai. Mukhyamantri ne kaha ki ek saal ke kaaryakaal mein sarkaar ne kisaanon, naujavaanon, mahilaaon aur alpasankhyakon ke hit mein tamaam faisale liye hain. Isse samaaj ka har varg laabhaanvit huaa hai. Ab janasanpark abhiyaan ke tahat raajya sarkaar ki upalabdhiyon ki jaankaari SP kaaryakarta aam pablik ko deinge. SP ke pravakta aur kaaraagaar mantri raajeindr chaudhari ne kaha ki party ka lakshya Loksabha chunaav mein jyaada se jyaada seaton par jeet haasil karna hai, jisse kendra mein banane waali agali sarkaar mein hamaari bhoomika nirnaayak ho sake. Chaudhari ne kaha ki sarkaar ke buland iraadon, koshishon aur kaamayaabi ke baare mein vipakshi dal tarah-tarah ka bhram failaane mein jute hain. Aise mein party kaaryakartaaon aur netaaon ki pablik ko sahi jaankaari dene ki jimmedaari aur badh jaati hai.

Ab Pablik Ki Nabj Pakadegi SP https://www.angrejinews.com/pic/5308