Ab Gas Ki Keemat Badhaaegi Modi Sarkaar

Business »

Ab Gas Ki Keemat Badhaaegi Modi Sarkaar

Nai Delhi rel kiraae aur bhaade mein bhaari vruddhi ka jhatka dene ke baad kendra ki nai sarkaar desh ki janta ko ek aur kadava doj dene ki taiyaari mein jut gayi hai. Ghareloo star par utpaadit gas ki nai keemat par sambhaavit mahatvapoorn ghoshana ki kavaayad ke tahat pradhaanamantri Narendra Modi ne ravivaar ko petrolium mantri dharmeindr pradhaan se mulaakaat ki. Pradhaanamantri ne teen dinon ke bheetar doosari baar pradhaan se mile. Yeh jaankaari sootron ne di. Ravivaar ki mulaakaat mein keindreeya vitt mantri arun jetali bhi shaamil rahe, mantrana kaafi der tak chali. Ek adhikrut sootr ne IANS ko bataaya ki nai sarkaar is baat ki sambhaavana talaashane mein juti hai ki ghareloo star par utpaadit hone vaale praakrutik gas ki keemat tay karne ko lekar poorv sarkaar dvaara manjoor rangaraajan faurmyule ko laagoo karne mein kuchh sanshodhan kiya ja sakta hai ya naheen. Pichhli sarkaar ne April mein Reliance udyog se puraani keemat 4.2 dollar prati ikaai par aapoorti karne ko kaha tha. Is keemat ki avadhi 31 March ko hi paar ho chuki thi aur nai keemat ab 1 July se laagoo honi hai. Desh ke poorvi tatavarti kshetr se Reliance hi gas ki aapoorti karti hai. Naam jaahir na karne ki shart par sootr ne bataaya ki nai daron ki ghoshana sambhavat: Isi saptaah ki ja sakti hai. Chunaav ayog ne sarkaar se nai daron ki ghoshana chunaav hone tak taalane ka aadesh diya tha. Us samay sambhavat: Gas ki maujooda keemat dugani ki ja chuki thi. Rangaraajan formula mein gas ki keemat Bhaarat mein aayaatit taral praakrutik gas (LNG) par ausat kharch aur America evam Britain ke antarraashtreeya hab mein maujooda daron ke saath hi Japan mein aayaatit gas ke moolya ko dekhte hue karne ki sifaarish ki thi. Sattaadhaari BJP ne chunaav prachaar ke dauraan kaha tha ki satta mein aane par vah gas ke daam ke mudde ka samaadhaan nikaalegi. Is faarmoole ka kai taraf se virodh hua hai, kyonki isse bijli mahangi ho jaaegi aur yooriya ka kharch, CNG ki dar aur pipe se aapoorti hone waali rasoi gas ke daam badh jaaenge. Lekin udyog jagat ke sangathan CII ne sarkaar ko gas ke daam par liye gaye faisale ko laagoo karne ki maang karte hue kaha hai ki isse peechhe hatne par tel evam gas kshetr mein nivesh par bura asar padega.

Ab Gas Ki Keemat Badhaaegi Modi Sarkaar https://www.angrejinews.com/pic/54797