Ab Dikhaana Hoga Ki Hamaari Team Achhi Hai Maahela Jayavardhane

Cricket » Friday, April 19, 2013

nai Delhi. . Lagaataar chhah maichon mein haar ke baavajood Delhi Daredevils ke kaptaan maahela jayavardhane ne khilaadiyon ko sakaaraatmak bane rahane ki salaah dete hue kaha ki ab yah dikhaane ka samay aa gaya hai ki unki team vaastav mein achhi hai. Delhi ko guruvaar ko chennai Superkings ne 86 run se karaari shikast di jo usaki lagaataar chhathi haar hai. Daredevils IPL ki pehli team ban gayi hai jisne kisi ek tournament mein pehle chhah match ganvaae hain. Jayavardhane ne kaha , ' yadi ham khud par vishvaas naheen kar paate to fir tournament mein bane rahane ka koi matlab naheen hai. Hamein khud par yah vishvaas karne ki jaroorat hai ki ham vaapasi kar sakte hain. Pratyek jeet raha hai keval hamaari team ke ank naheen hain. Yadi ham do teen match jeet jaate hain to kuchh sthaan aage badh jaaenge. Hamein ab yah dikhaana hoga ki hamaari team achhi hai. ' ' sabko jimmedaari samajhni hogi ' unhonne kaha , ' humne ab tak keval do maichon mein achha pradarshan naheen kiya. Mumbai Indians ke khilaaf Mumbai aur yahaan (chennai ke khilaaf) humne achha pradarshan naheen kiya. Lekin anya maichon mein humne aakhir tak haar naheen maani aur hamaare paas avsar the. ' jayavardhane ne kaha , ' hamein ab tak kam se kam do match jeetne chaahiye the lekin ham sahi tarah se ant naheen kar paae. Is tarah ke tournament mein yadi aapke pradarshan mein nirantarata naheen hai to is par kaam karne ki jaroorat hoti hai. Isliye ab pratyek ko apni jimmedaari samajhni hogi. ' ' sirf Peterson ya Sehwag naheen jita sakte match ' jayavardhane ne yah baat maanane se inkaar kar diya ki team ko kevin Peterson ki kami khal rahi hai ya Virendra Sehwag ka kharaab pradarshan team par bhaari pad raha hai. Unhonne kaha , ' kepi pehla insaan hoga jo yah sveekaar karega ki yah keval ek khilaadi ke kaaran naheen hai. Pichhle saal humne achhi shuruaat ki aur pratyek khilaadi form mein tha jisse hamein dabadaba banaane mein madad mili. ' jayavardhane ne kaha , ' iska kaaran keval veeroo bhi naheen hai. Keval unke hone se hamaari pareshaaniyon ka nidaan naheen ho sakta. Hamein ballebaaji mein nirantar achha pradarshan karne ki jaroorat hai tatha ti- 20 mein choti ke chaar ya paanch ballebaaj adhiktar over khelte hain. Humne is par baat bhi ki lekin durbhaagya se ise laagoo naheen kar paae. Ti- 20 maichon mein isi se antar paida hota hai. ' ' kai achhe khilaadi hain hamaare paas ' is shreelankaai khilaadi se jab poochha gaya ki kya Bhaarat ke ghareloo khilaadiyon ka achha pradarshan naheen kar paana team par bhaari pad raha hai , unhonne kaha , ' main samajhta hoon ki hamaare paas kuchh achhe khilaadi hain. Unmukt chand ne bhaarateeya under- 19 team aur Delhi ki taraf se achha pradarshan kiya hai. Manpreet juneja aur kedaar jaadhav bhi achhi ballebaaji kar rahe hain. Jab team haar rahi ho to kamjoriyaan nikaalna aasaan hota hai. Yah balle aur geind ke beech ki jang hai jise ham naheen jeet pa rahe hain. ' chennai ke khilaaf Delhi ki team 83 run par ludhak gayi. Jayavardhane ne kaha , ' is wicket par 160-170 run ka score achha tha kyonki aautafeeld kaafi tej thi. Hamein achhi shuruaat aur un par dabaav banaane ki jaroorat thi jaise ki pichhle match mein 16 vein over ke baad humne kiya tha. Lekin humne shuroo mein hi bahut adhik wicket ganva diye. '