Ab Bhaarat Maata Ka Karj Chukaaoonga Narendra Modi

Breaking »

Ab Bhaarat Maata Ka Karj Chukaaoonga Narendra Modi

Gandhinagar. . Congress upaadhyaksh Rahul Gandhi ne udyog sangathan CII ko sambodhit karte hue apratyaksh roop se Gujarat ke mukhyamantri Narendra Modi par alagaavavaadi raajaneeti ka aarop lagaate hue nishaana saadha tha. Iske kuchh hi ghante baad Narendra Modi ne Gandhinagar mein kaha ki mainne Gujarat ka karj ada kar diya hai ab Bhaarat maata ka karj ada karna bacha hai. Narendra Modi ne Delhi ki taraf saaf sanket karte hue kaha, 'Log kehte hain ki mainne Gujarat ka karj ada kiya hai. Ab logo ki maang hai ki main Bhaarat maata ka bhi karj ada karoon. Har naagrik ke paas vatan ka karj hota hai. Yadi aap shikshak hain to aapka kartavya hai ki students ko shiksha dein. Yadi aap Doctor hain to mareejon ke prati kuchh farj hote hain. Janmabhoomi ke prati apne karj ko chukaane ke liye hamein har mauke ka istemaal karna chaahiye. ' jaahir hai in jumalon ke saath hi Modi ne apni daavedaari khud hi pesh kar di hai. Narendra Modi ne kaha, 'Mujhe ummeed hai ki Bhaarat maata apna aasheervaad pradaan kareingi aur karj ada karne se koi bach naheen sakta. 'Narendra Modi ke is bayaan se saaf ho gaya hai ki 2014 ke aam chunaav mein vah pradhaanamantri pratyaashi BJP ki taraf se ghoshit hone vaale hain. Narendra Modi 8 April ko FICCI ke udghaatan samaaroh ko sambodhit karne vaale hain. Modi ne udyog sangathan CII ke aamantran ko doosari pratibaddhata ka havaala dekar thukara diya tha. Narendra Modi ne yah baat udyogapati RP gupta ki kitaab 'Turn araaund India throo inkloosiv garvarneins'Ke release samaaroh mein kahi. Is mauke par gupta ne bhi kaha ki aapne Gujarat ka kaam kar diya hai ab vakt aa gaya hai ki desh ke liye saamane aaen.

Ab Bhaarat Maata Ka Karj Chukaaoonga Narendra Modi https://www.angrejinews.com/pic/4486