Ab Bakare Ka Naam Rakha Shahrukh

Movies »

Ab Bakare Ka Naam Rakha Shahrukh

Aamir Khan ne jab media ke saamane yah kah diya ki unke kutte ka naam Shahrukh hai, to is baat par bada hangaama ho gaya tha. Lekin lagta hai Shahrukh ka naam logon ko jyaada hi pasand hai aur ab yah naam diya gaya hai ek bakare ko, jo film ka leed kirdaar hai. Daraasal, jaanki vishvanaathan ki film 'Bakaraapur' ki kahaani ek bakare ke ird-gird hi ghoomti hai aur is bakare ka naam Shahrukh rakha gaya hai. Jaanki isse pehle child lebar mudde par banaai apni film 'Kutti' ke liye naishanal award haasil kar chuki hain. Apni agali film mein bakare ka naam Shahrukh rakhane ki vajah poochhane par vah kehti hain, 'Yah ek bachche aur bakare ke beech bani baunding ki kahaani hai. Bachchon ko aksar film stars se pyaar hota hai aur apne paalatoo jaanvaron ka naam ve unke naam par rakh lete hain. Isliye humne bakare ka naam Shahrukh diya. Vaise bhi jis haat par ham bakare ko khareedne gaye the, usane bahut hi sateek tippani ki thi. Dukaanadaar ne mujhse kaha yahaan to Shahrukh aur Salman roj bikte hain. Vahaan aae lagbhag pachaas feesadi jaanvaron ka naam stars ke naam par tha. ' yah naam rakhane ke peechhe unka tark bhi tha. Jaanki kehti hain, 'Shaah ka matlab hai enparar aur rukh ka matlab hai face. Yaani enparar ka face. To yah bakara bhi hamaari film ka leed hero hai. Doosari baat iske nakhare bhi kisi star se kam naheen the. Yahaan tak ki jameen par padi ghaas vo naheen khaata tha, vah bhi use haath mein pakad kar khilaani padti thi. ' yah film bhi 'Peepali live' aur 'Velakam too sajjanapur' ki tarah rooral India ki kahaani kahegi. Film mein anshuman jha aur manjhe hue theatre aartist kaam kar rahe hain.

Ab Bakare Ka Naam Rakha Shahrukh https://www.angrejinews.com/pic/5739