Aayaat Pratibandh Mein Dheel Ke Baad Sona 800 Rupaye Ludhka

Breaking »

Aayaat Pratibandh Mein Dheel Ke Baad Sona 800 Rupaye Ludhka

Nai Delhi: reserve bank dvaara sone ke aayaat par ankushon mein dheel ke baad guruvaar ko raashtreeya rajdhani Delhi ke sarraafa baajaar mein sona 800 rupaye ludhkakar nau maah ke nichle star 28,550 rupaye prati 10 gram par aa gaya. naram maang aur kamjor vaishvik rakh ka asar bhi is bahumoolya dhaatu ki keemat par pada. Chaandi mein seemit narami rahi aur yeh 50 rupaye tootakar 41,650 rupaye prati kilogram par aa gayi. reserve bank ne bankon ke alaava Budhvaar ko chuninda trading farmon ko bhi sone ke aayaat ki anumati de di hai. Keindreeya bank ke is kadam ke baad staukiston ke maal nikaalne se sone ke daam neeche aa gaye. Aisi ummeed jataai ja rahi hai ki keindreeya bank ke is kadam ke baad sone ki aapoorti badhegi aur ghareloo baajaar mein iski keematon mein giraavat aaegi. reserve bank ne pichhle saal July mein chaaloo khaate ke badhte ghaate par lagaam ke liye sone ke aayaat par kai tarah ke ankush lagaae the. Keindreeya bank ne paabandiyon ke tahat keval bankon ya adhikrut agenton ko sona aayaat ki chhoot de rakhi thi aur aayaatit maal ka 20 pratishat niryaat karna anivaarya kiya gaya tha. ghareloo morche par sona 99.9 va 99.5 shuddhata pratyek mein 800 rupaye ki giraavat I aur yeh kramash: 28,550 rupaye prati 10 gram va 28,350 rupaye prati 10 gram par aa gaya. Isse pehle sone ne yeh star pichhle saal 8 August ko dekha tha. Doosari or, chaandi 50 rupaye tootakar 41,650 rupaye prati kilogram par aa gayi. Vaheen chaandi saaptaahik dilivri 210 rupaye ki giraavat ke saath 40,990 rupaye prati kilogram par aa gayi.

Aayaat Pratibandh Mein Dheel Ke Baad Sona 800 Rupaye Ludhka https://www.angrejinews.com/pic/51380