'Aatma Daraati Naheen, Pakaati Hai

Movies » Thursday, March 28, 2013

Raaj series ki do super hit filmon ke baad Bipasha Basu ne ek baar fir se haurar film ki. Aatma naamak yah film vaise to jyaada charcha naheen bator paai lekin ismein Bipasha ke kaam ko lekar taareef khoob hui. Baavajood iske film ko not-so-hit ki shreni mein rakhana hi padega. Hindi mein bani daraavani filmon mein aisi kam hi hain, jinhonne dhamaal machaaya ho. Yah film bhi aapko daraati-varaati to naheen hai bas beech-beech mein achanbhit kar deti hai. Iski taareef mein sameekshaakartaaon ne yahi kaha hai ki yah gair paaramparik hai aur isliye ise dekhne ka risk liya ja sakta hai. Bipasha ke kaam aur unke saadagi bhare mekaap ki taareef hui. Vah aisi filmon ko bade tareeke se sanbhaal leti hain. Navaajuddeen Siddiqui jaise tailantad aiktar ka tailant is film mein vest ho gaya. Vah bade hi misfit najar aae, apne rol mein. Bachchi doyal dhavan apne rol mein parafekt lageen. Haalaanki faimili class aur entertainment ke theatre jaane vaalon ke liye is film mein kuchh naheen hai.