Aatankvaadi Sirf Aatankvaadi Hota Hai Loksabha Mein Sushma Swaraj

Breaking »

Aatankvaadi Sirf Aatankvaadi Hota Hai  Loksabha Mein Sushma Swaraj

Nai Delhi: Hyderabad mein hue bam dhamaakon ko lekar Loksabha mein sabhi paartiyon ke netaaon ne chinta jataai. Neta vipaksh Sushma Swaraj ne kaha ki aatank ka koi majahab naheen hota. Aatankvaadi sirf aatankvaadi hota hai. Aatankvaad par samaan soch jaroori hai. Unhonne yah bhi kaha ki khufiya jaankaari ke baavajood dhamaake hona gambhir khaami ko darshaata hai. Udhar, sapa neta mulaayam Singh Yadav ne kaha ki aatankvaad par poora desh ekajut hai. Dhamaakon ka asar poore desh par padta hai. Isliye aatankvaad par sarkaar ki kya rananeeti hai, vah bataae. Isse poorv Hyderabad mein hue bam dhamaakon ko lekar Loksabha aur Rajyasabha mein jamkar hangaama huaa, jiske chalte donon sadanon ki kaaryavaahi ko sthagit kar diya gaya tha. Gaurtalab hai ki Hyderabad ke dilsukhanagar mein bas stand ke paas do shaktishaali bamon ke ek ke baad ek fatne se 16 vyaktiyon ki maut ho gayi aur 117 log ghaayal ho gaye hain.

Aatankvaadi Sirf Aatankvaadi Hota Hai Loksabha Mein Sushma Swaraj https://www.angrejinews.com/pic/2572