'Aatanki Liyaakat 14 Din Ki Judishl Custody Mein

Breaking »

'Aatanki Liyaakat 14 Din Ki Judishl Custody Mein

Nai Delhi. . Hijbul mujaahideen ke sandigdh aatankvaadi liyaakat shaah ko shanivaar ko adaalat ne 14 din ki judishl custody mein bhej diya. Delhi police ne us par desh ke khilaaf yuddh chhedne ka maamala darj kiya hai. Police ka daava hai ki vah Delhi mein aatanki hamle ki yojana bana raha tha. Police ne Jammu-Kashmir nivaasi 45 varsheeya shaah ki 15 din ki police hiraasat ki avadhi poori hone se pehle hi use cheef metropaulitin maijistret manoj Kumar ke saamane pesh kiya. Adaalat ne use 12 April tak ke liye tihaad jail bhej diya. Delhi police ki vishesh shaakha is sandigdh aatanki se 21 March se poochhataachh kar rahi thi. Police ne adaalat se kaha ki abhiyukt ko jail bhej diya jaae kyonki ab hiraasat mein usase aur poochhataachh ki jaroorat naheen hai. Mukhya metropaulitin maijistet ne kaha, 'Jaanch abhi poori naheen hui hai. Aaropi ko 12 apail tak ki judishl custody mein bheja jaata hai. ' police ne apni arji mein kaha hai ki shaah ko 20 March ko uttar pradesh mein Gorakhpur ke paas Bhaarat Nepal seema kshetr se pakada gaya. Poochhataachh ke dauraan usane yah khulaasa ki vah pratibandhit samooh hijbul mujaahideen ka aatankvaadi hai aur vah Pak adhikrut Kashmir ke mujaffaraabaad mein bas gaya tha. Police ne yah bhi kaha ki January 2013 mein shaah aur uske sahayogi Jammu Kashmir nivaasi manjoor ko hijbul ke sheersh padaadhikaariyon ne Delhi mein aatanki hamla karne ka nirdesh diya tha.

'Aatanki Liyaakat 14 Din Ki Judishl Custody Mein https://www.angrejinews.com/pic/3891