Aashram Band Karaane Ki Maang Ne Hinsak Roop Liya, 2 Mare

Breaking »

Aashram Band Karaane Ki Maang Ne Hinsak Roop Liya, 2 Mare

Rohtak. . Haryana ke Rohtak mein ek aashram par kabje ko lekar do pradarshanakaariyon aur police ke beech hinsak jhadap mein mahila sahit do logon ki maut ho gayi hai. Karauntha gaanv mein pradarshanakaari gaanv mein bane aarya samaaj aashram ke pramukh ko hataane ki maang kar rahe the. Aisi khabar hai ki aashram pramukh Rampal das dharm ke khilaaf logon ko ukasaane ka kaam kar rahe the. Daraasal, Rohtak police ko itne bade virodh-pradarshan ki ummeed thi hi naheen. Vivaad ki vajah se jis aashram ko 2006 mein band kar diya gaya tha, Supreme court ke aadesh ke baad 5 April ko hi use khola gaya tha jabki sthaaneeya log naheen chaahate ki karauntha ka satalok aashram sant Rampal das ko saunpa jaae. Jaise hi jila prashaasan ne ye aashram satalok aashram ko saunpa to logon ne ek gupt baithak kar aashram par hamla karne ki yojana banaai aur kaafi sankhya mein ye log karontha ke aashram par pahunche aur patharaav shuroo kar diya. Javaab mein aashram ke andar se bhi patharaav huaa. Lagaataar virodh ke baad ravivaar ko hinsak pradarshanakaariyon ne teen bason mein aag laga di aur sadak par jamkar todfod bhi ki. Pradarshan ke dauraan gaanvavaalon ki policekarmiyon ke saath hinsak jhadap bhi hui. Jhadap mein jahaan 20 se jyaada logon ke ghaayal hone ki khabar hai, vaheen 50 pulisvaale bhi jakhmi hue hain. Sabhi ko Rohtak se aspataal mein bharti kiya gaya hai. Ghaayalon mein chhah pulisvaale bhi shaamil hain. Pradarshan ko dekhte hue Rohtak-jhajjar highway ko bhi band kar diya gaya hai aur ilaake mein aavaajaahi par poori tarah se rok hai. Rampal par aashram ki yah jameen dhokhaadhadi se lekar rajistri karavaane ka bhi aarop hai.

Aashram Band Karaane Ki Maang Ne Hinsak Roop Liya, 2 Mare https://www.angrejinews.com/pic/8396