Aarthik Sudhaaron Ko Aage Badhaaya Jaaega Chidambaram

Business » Saturday, April 6, 2013

Nai Delhi. . Samay se pehle chunaav ki sambhaavana ko khaarij karte hue vitt mantri pi. Chidambaram ne aarthik sudhaaron ko aage badhaane ka shukravaar ko spasht sanket diya. Unhonne beema vidheyak ke paarit hone ke maamale mein vipakshi dalon ke samarthan ki ummeed ke saath vabhinn kshetron mein FDI ki seema ki sameeksha kiye jaane ki bhi vakaalat ki. Vitt mantri ne shanivaar ko press conference mein vitt varsh 2012-13 ke tax kalekshan par santosh jataaya aur kaha ki chintaajanak star par pahuncha chaaloo khaate ka ghaata varsh ke ant tak sveekaarya star par hoga. Daayarekt benefit traansafar skeem (deebeeti) ke vistaar ke baare mein vistaar se bataate hue unhonne kaha ki rasoi gas graahakon ko cash subsidy di jaaegi aur May tak iske daayare mein 78 jilon ko shaamil kiya jaaega. January mein shuroo ki gayi is yojana mein 20 jilon ko shaamil kiya gaya tha. Samay se pehle chunaav ki sambhaavana ko khaarij karte hue unhonne yah spasht kiya ki sarkaar apna kaaryakaal poora karegi. Chunaav 2014 mein May mein hi honge. Unhonne kaha ki sarkaar samay se pehle chunaav ki ummeed kyon karni chaahiye? Mainne pichhle 50 minute mein jo kaha, ve kya jald chunaavon ki or ishaara karte hain? Ham 2013-14 ke liye ajeinda poora kareinge aur fir May mein chunaav mein utareinge. Vitt mantri ne vishvaas jataaya ki 2013-14 ka raajasv lakshya poora kar liya jaaega kyonki GDP vruddhi dar 6 pratishat se oopar rahane ki sambhaavana hai. Beema sector mein FDI nivesh ki seema maujooda 26 pratishat se badhaakar 49 pratishat kiye jaane jaane ke prastaav ke baare mein unhonne ummeed jataai ki beema sanshodhan vidheyak jaldi paarit hoga. Iska kaaran yah hai ki matabhed sirf ek praavadhaan ko lekar hai. Iska hal nikaalne ke liye sarkaar mukhya vipakshi dal BJP ke sampark mein hai. Chidambaram ne kaha ki ek baar BJP is par sahamat ho jaati hai, tab sarkaar anya dalon ko is maamale mein saath legi.