Aarthik Sudhaar Ki Prakriya Koi One-day Match Naheen Chidambaram

Breaking »

Aarthik Sudhaar Ki Prakriya Koi One-day Match Naheen  Chidambaram

Nai Delhi: Vittamantri pi chidanbam ne kaha hai ki sarkaar June ant tak pratyaksh videshi nivesh ki seema, koyala moolya aur oorja sanyantron ko iske aavantan jaise pahaluon ki sameeksha karegi. Chidambaram ne kaha ki pichhle saal September se sarkaar dvaara aarthik sudhaaron ko tej gati dene se sambandhit upaayon ke achhe parinaam dikhne lage hain aur sarkaar aane vaale dinon mein is baabat aur kadam uthaane ja rahi hai. Unhonne kaha ki Bhaarat ki vikaas ki kahaani mein logon ka vishvaas barkaraar hai. Haalaanki vittamantri ne yah bhi kaha ki aarthik sudhaar par jaari pahal koi one-day match naheen hai, jahaan har geind par aap chhakke lagne ya wicket girne ki ummeed karein. Unhonne kaha ki Fitch ki is baat se sahamat hai ki aur adhik aarthik sudhaaron ki aavashyakta hai. Sarkaar buniyaadi muddon ko sulajha rahi hai. Mudraasfeeti niyantran mein hai, jo achha sanket hai. Unhonne kaha ki raajasv lakshya haasil karne ke liye koi kor-kasar naheen chhodi jaaegi. Vittamantri ne kaha ki rupaye ki viniym dar mein giraavat se ghabaraane ki koi baat naheen. Yah kuchh dinon se hue nuksaan ko baraabar kar pun: Apne star par aa pahunch jaaega. Chidambaram ne kaha ki svarn aayaat mein bhaari giraavat I hai ismein aur kami se mujhe khushi hogi. Haalaanki unhonne sone par aayaat shulk mein aur badhotri kiye jaane ki sambhaavana se inkaar kiya.

Aarthik Sudhaar Ki Prakriya Koi One-day Match Naheen Chidambaram https://www.angrejinews.com/pic/11907