Aarthik Chunautiyon Se Nipatne Ke Liye Vishvasaneeya Kadam Jaroori Manmohan

Breaking »

Aarthik Chunautiyon Se Nipatne Ke Liye Vishvasaneeya Kadam Jaroori  Manmohan

Nai Delhi: Bajat satr shuroo hone se poorv pradhaanamantri Manmohan Singh ne raajaneetik dalon se sahayog maangate hue kaha ki vishv arthavyavastha dheemi padne se utpann vikt chunautiyon ka desh par kam se kam asar ho, iske liye sabko vishvasaneeya kadam uthaane ki jaroorat hai. Manmohan ne kaha ki sansad satr aise samay mein ho raha hai, jab vishv arthavyavastha mand padi hai. Unhonne kaha ki vishv arthavyavastha ki mandi ka asar Bhaarat par bhi hai. Unhonne kaha ki aise mein ham sansad mein apna vitteeya kaamkaaj kaise niptaate hain, yah is maayane mein mahatvapoorn hoga ki desh in badi chunautiyon ka saamana kaise karta hai. Pradhaanamantri ne kaha ki vah sansad mein sabhi vargon ke sahayog ki ummeed karte hain. Sahayog sambandhi unka bayaan vipaksh dvaara helicopter ghotaale, manhagaai, mahilaaon ke virooddh aparaadh aur anya jvalant muddon par sarkaar ko gherane ki yojana ke sambandh mein dekha ja raha hai. Pradhaanamantri ne kaha, jahaan tak sarkaar ka savaal hai, vah sadan ke sabhi vargon ke saath rachanaatmak baatcheet ko taiyaar hai, taaki sansad mein har mudde par sadasyon ke beech jimmedaari se charcha aur bahas ho sake.

Aarthik Chunautiyon Se Nipatne Ke Liye Vishvasaneeya Kadam Jaroori Manmohan https://www.angrejinews.com/pic/2466