Aarthar Ne Chaar Khilaadiyon Ko Suspend Kiye Jaane Ka Kiya Bachaav

Cricket »

Aarthar Ne Chaar Khilaadiyon Ko Suspend Kiye Jaane Ka Kiya Bachaav

agencyan . Perth Australia ke coach Micky aarthar ne Bhaarat ke khilaaf Mohali mein series ke teesare cricket test match se pehle chaar khilaadiyon ko suspend karne ke apne faisale ka mangalvaar ko yahaan bachaav kiya aur kaha ki fir se duniya ki number ek team banane ke liye yah sahi disha mein uthaaya gaya kadam tha. Aarthar aur captain Michael Clark ne Australiaee team ke pradarshan mein sudhaar ki baabat mein apni prejeinteshan naheen dene ke kaaran Shane Watson, James paitinsan, usmaan khwaaja aur Michelle Johnson ko teesare test se baahar kar diya tha. Team mein matabhed naheen : Aarthar ne Bhaarat ke niraashaajanak daure ke baad yahaan pahunchane par kaha, 'Ummeed hai ki yah kuchh achhe ke liye neenv hogi. Ham fir se duniya mein number ek banana chaahate hain aur iske liye khud ko sarvashreshth sambhaavit avsar dena chaahate hain. Humne kuchh kaayade kaanoon banaae hain. Hamaara maanana hai ki agale 24 maheenon mein hamaari team number ek ban sakti hai. Team mein matabhed naheen hai. Yah keval media ki soch hai. Clark aur Watson ke beech sab kuchh sahi chal raha hai. Team mein aapasi rishte bahut achhe hain. Imaandaari se kahoon to khilaadi kadi mehnat kar rahe hain. Hamaare paas yuva khilaadiyon ka achha samooh hai jo Australia ko duniya ki best team banaane ke alaava jyaada kuchh naheen chaahata. Michael aur Shane ko lekar alag tarah ki soch bana di gayi. Ve alag alag vyakti hain. Unki soch alag hai, lekin unke beech bahut achhe rishte hain. Media Watson aur Clark ko lekar matabhed ki baatein kar raha hai. Ve vaastav mein bahut achhi tarah se milkar kaam kar rahe hain. ' ashes ke team mein bahut badlaav naheen honge : Aarthar ne kaha, 'Bhaarat mein karaari haar ke baavajood ashes ke liye team mein bahut adhik badlaav naheen kiye jaaenge. Unhonne kaha ki unhein England mein jaisi paristhitiyaan mileingi, Bhaarat ki paristhitiyaan usase ekdam bhinn theen. Bhaarat mein haalaat poori tarah se bhinn the. Main visheshakar yuva khilaadiyon ke sambandh mein Bhaarat ki sthitiyon ko lekar pehle se hi chintit tha. Aap khilaadiyon ko yah bata sakte hain ki vahaan kaise khelna hai, lekin jab aapko anubhav naheen ho aap ise naheen samajh sakte. Ashes mein hamein lagbhag vaisi sthitiyaan mileingi, jo kaafi had tak hamaare anukool hongi. Hamaare pesar Bhaarat mein naheen chal paae lekin England mein ve aham bhoomika nibhaaenge. Yah hamaari vaastavik taakat hai. Hamaare ballebaaj us tarah ki sthitiyon mein khelne ke aadi hain. Mujhe poora vishvaas hai ki ab bhi sab kuchh patari par hai. Main yah jaroor maanata hoon ki ashes se pehle badi haar sahi naheen hai. Ashes jaise bade daure se pehle upamahaadveep ka daura niraashaajanak hai kyonki isse aap thoda vichlit ho sakte hain. '

Aarthar Ne Chaar Khilaadiyon Ko Suspend Kiye Jaane Ka Kiya Bachaav https://www.angrejinews.com/pic/3555