Aaropiyon Ki Giraftaari Ke Liye Pradarshan Ki Chetaavani

India » Saturday, April 20, 2013

kaithal. . Kaithal jila ke gaanv pabanaava mein pichhle dinon daliton par hue hamle ke maamale ko lekar abhi graameenon mein tanaav aur bhaya ka maahaul kaayam hai. Shanivaar ko peedit parivaar ke parijanon ne bataaya ki jila prashaasan ne suraksha ke maddenajar gaanv mein policekarmiyon ko tainaat jaroor kiya hai, lekin asuraksha ki bhaavana abhi bhi bani hui hai. Peedit parivaar dar ki vajah se abhi bhi gaanv lautane ki himmat naheen juta pa rahe hain. Naheen mili sahaayata pabanaava gaanv ke somanaath, Rajiv, pavan aur ravi ne bataaya ki dalit parivaaron ko abhi tak sarkaar aur prashaasan ki or se mahaj aashvaasan hi mile hain. Peediton ki sahaayata se sambandhit jila prashaasan aur sarkaar ke sabhi daave galat hain. Ghoshana ke baavajood abhi tak prashaasan ne dalit parivaaron ke liye kuchh naheen kiya. Unhonne bataaya ki police aaropiyon ko giraftaar karne mein laaparavaahi barat rahi hai. Ghatna ke ek saptaah beet jaane par bhi police sabhi aaropiyon ko giraftaar naheen kar saki hai. Kuchh aaropi to ab bhi gaanv mein sareaam ghoomate dekhe jaate hain. Naheen leinge sahaayata raashi parijanon ne bataaya ki is maamale mein jab tak police sabhi aaropiyon ko giraftaar naheen kar leti, tab tak ve sarkaar ki koi sahaayata raashi sveekaar naheen kareinge. Saath hi unhonne chetaavani di hai ki yadi police ne jald sabhi aaropiyon ko giraftaar naheen kiya to somvaar ko gaanv aur aaspaas ke ilaake ke dalit kaithal mein laghu sachivaalaya ke baahar pradarshan karke deesi aur SP ka gheraav kareinge. Haalaat saamaanya hone ka daava gaanv mein police bal ke saath maujood DSP ne bataaya ki gaanv ke andar aur baahar police bal ko tainaat kiya gaya hai. Gaanv ka maahaul dheere-dheere saamaanya ho raha hai. Police ne aaropiyon ko giraftaar karne ke liye kai teemon ka gathana kiya hai, jo jagah-jagah chhaapemaari kar rahi hai. Gaanv ke sarapanch ne bataaya ki gaanv mein shaanti aur bhaaichaare ko kaayam karne ke bharsak prayaas kiye ja rahe hain. Gaanv mein shaanti kaayam karne ke liye banaai gayi committee lagaataar kaam kar rahi hai. Gaanv ke sabhi jaatiyon ke log daliton ko poori suraksha upalabdh karaane aur sanrakshan dene ka aashvaasan day rahe hain.