Aaropi Doctor Danpati Police Giraft Se Baahar

India »

Aaropi Doctor Danpati Police Giraft Se Baahar

ek samvaadadaata . Hodal kasba hasanapur sthit ek niji nursing hom ke Doctor danpati dvaara kathit roop se kidni nikaale jaane ke maamale mein ghatna ke 3 maheene baad bhi aaropiyon ko giraftaar naheen kiya ja saka hai. Jahaan police aaropiyon ki talaash karne ki baat dohara rahi hai, vaheen peedit mahila ke parijanon ne is maamale ki shikaayat raashtrapati aur pradhaanamantri se karne ki thaani hai. Maamale ke mutaabik, kasba hasanapur ke gaanv moharoo nivaasi ishaad ne hasanapur sthit tevatiya nursing hom mein patni ke pet mein pathari ka operation karaaya tha. Operation ke kuchh din baad usaki patni ke pet mein dobaara dard utha. Mahila ka Faridabad ke nursing hom mein altraasaaund karaaya gaya, jahaan pata chala ki usaki ek kidni gaayab hai. Usane tevatiya nursing hom ke Doctor raaj Singh tevatiya ko iski soochana di to use chup rahane ki dhamaki di gayi. Aarop hai ki is dauraan nursing hom mein tainaat kanpaaundaron se usaki pitaai kara di gayi. Irasaad ne police meina maamale ki shikaayat ki. Uske baad se aaropi Doctor danpati nursing hom mein taala lagaakar faraar ho gaye. Peedit mahila ke pati dvaara police ko shikaayat diye lagbhag 3 maheena ho chuka hai, lekin abhi tak aaropiyon ko giraftaar naheen kiya ja saka hai. Haalaanki, is maamale mein police ne nursing hom ke donon kanpaaundaron ko pehle hi giraftaar kar liya tha. Irasaad ka kehna hai ki police aaropiyon ko jaanboojhkar giraftaar naheen kar rahi hai. Haalaanki, is maamale mein SP jagatasinh hudda ne bataaya ki aaropi danpati ki giraftaari ke liye kaarravaai ki ja rahi hai.

Aaropi Doctor Danpati Police Giraft Se Baahar https://www.angrejinews.com/pic/6991