Aaraseebi Par Chennai Super Kings Ki Romaanchak Jeet, Jadeja Bane Hero

Cricket »

Aaraseebi Par Chennai Super Kings Ki Romaanchak Jeet, Jadeja Bane Hero

chennai. . Indian Premier league mein shanivaar ko khele gaye match mein chennai super kings ne royal Challengers Bengaluru ko 4 wicket se hara diya. Toss haarakar pehle batting karte hue Bengaluru ne DeVilliers (64) aur Kohli (58) ki dhamaakedaar paariyon ki badaulat 6 wicket khokar 166 ka taaraget diya tha. Chennai ki team ne 1 baul baaki rahate hi jeet haasil kar li, lekin behad romaanchak dhang se. Skorakaard: Royal Challengers Bengaluru Vs. Chennai super kings toss haarakar pehle ballebaaji karne utari Bengaluru ki shuruaat achhi naheen rahi. Dhaakad ballebaaj kris Gale mahaj chaar run banaakar pavilion laut gaye. Gale kris moris ki ek wide geind ko khelne ki koshish mein wicket ke peechhe Mahendra Singh Dhoni ke haathon lapke gaye. Iske baad teesare kram par ballebaaji karne utare captain viraat Kohli (58) ne manoj Agrawal (24) ke saath 45 ranon ki saajhedaari ki. Agrawal nauvein over mein Ravichandran Ashwin ka shikaar hue. Iske baad ballebaaji karne utare DeVilliers (64) ne Kohli ke saath teji se 82 run jode. Teesare wicket ke liye hui 48 geindon ki is saajhedaari ko kris mauris ne toda. Mauris ki geind par Kohli wicket ke peechhe Mahendra Singh Dhoni ke haathon lapke gaye. Kohli ne 47 geindon mein do chauke aur itne hi chhakke lagaae. 17vein over ki aakhiri geind par Daniel krishchiyn bhi do run banaakar chalte bane. Jabki 18vein over ki pehli hi geind par Bengaluru ka paanchava wicket ravi raamapaul (0) ke roop mein gira. Bengaluru ki paari ki aakhiri geind par DeVilliers chhakka lagaane ke chakkar mein baaundri line par dven Bravo ke haathon lapke gaye. DeVilliers ne 32 geindon mein aath chauke aur ek chhakka bhi jada. Chennai ki taraf se mauris ne teen wicket jhatke jabki dirk nains, Ashwin aur Bravo ko ek-ek wicket haasil huaa. Iske baad batting karne utari chennai ki shuruaat achhi naheen rahi. Murali vijay doosare over ki pehli baul par out ho gaye. Vah sirf 2 run bana sake. Chennai ko doosra jhatka hasi ke roop mein laga, jo chauthe over mein 6 run ke score par out hue. Iske baad raina badreenaath ke saath milkar paari ko sambhaala. 11vein over mein raina 30 run banaakar pavilion laute, jiske baad se captain Dhoni ne kamaan sambhaali. Dhoni ne sanbhalakar khelna shuroo kiya, lekin S. Badreenaath 34 run ke score par out ho gaye. Maidaan par aae Ravindra jadeja ne Dhoni ka saath dena shuroo kiya aur score ko aage badhaate rahe. 19vein over mein captain Dhoni raamapaul ki baul ko drive karne ki koshish mein ej laga baithe aur baul seedhe keepar ke glavs mein sama gayi. Ab match romaanchak ho chala tha. Dhoni ke baad aae braivo bhi 8 run banaakar out ho gaye. Aakhiri over ka romaanch aakhiri over mein chennai ko jeetne ke liye 16 run ki jaroorat thi. RP Singh boling kara rahe the aur saamane the Ravindra jadeja. Pehli baul par jadeja ne baul ko hit kiya, lekin ej lagte hue baul baaundri ke paar chali gayi. Abhi bhi 5 baul mein 12 ranon ki jaroorat thi. Doosari baul par jadeja ne laung on par shaanadaar siksar laga diya. Ab chennai ko 4 bauls par sirf 6 run chaahiye the. Teesari baul par jadega singal le sake. Ab maurgan crease par the. Unhonne chauthi baul par jaldi se 2 run poore kar liye. Paanchaveen baul par unhonne singal le liya. Aakhiri baul aur jeetne ke 2 ranon ki jaroorat. Jadeja crease par the aur unhonne RP ki baul ko hit karne ki koshish ki, ej laga aur baul ko thard main ne catch kar liya. Aaraseebi ke khilaadi jashn manaane lage, tabhi anpaayar ne no baul ka ishaara kar diya. RP Singh ne over steping kar di thi. No baul ke ek aur daud kar liye gaye singal ke saath hi chennai ne taaraget poora kar liya. Chennai super kings ne behad mushkil dikh raha match aakhirkaar apni jholi mein daal liya. Chennai ki is jeet ke hero rahe Ravindra jadeja, jinhonne 20 bauls mein 38 run banaae.

Aaraseebi Par Chennai Super Kings Ki Romaanchak Jeet, Jadeja Bane Hero https://www.angrejinews.com/pic/5467