Aaraseebi Ki Taal Bigaadeinge Royals

Cricket »

Aaraseebi Ki Taal Bigaadeinge Royals

match : Shaam 4 baje se agencyan . Jaipur sunrisers Hyderabad par mili shaanadaar jeet se utsaahit Rajasthan Royals somvaar ko IPL ke match mein royal Challengers beingalor se khelegi to usaka iraada badla chukta karne ka hoga. Rajasthan ki team aath maichon mein 10 pauints lekar teesare sthaan par hai, jabki aaraseebi nau maichon mein 12 pauints ke saath tebil mein top par hai. Vaheen ek aur haar aaraseebi ke liye haalaat bigaad sakti hai, jo shanivaar ko Mumbai Indians se haarakar baikafut par aa chuki hai. Royals ne shanivaar ko Hyderabad ko aath wicket se haraaya. Australiaee baitsamain Shane Watson jabardast form mein hain, jabki unke hamavatan baulkar James Faulkner bhi achhi form mein hain. Watson aur Faulkner Hyderabad ke khilaaf jeet ke sootradhaar rahe. Rajasthan ne abhi tak is season mein apne maidaan par ek bhi match naheen ganvaaya hai. Rahul Dravid ki kaptaani waali team is laya ko kaayam rakhana chaahegi. Usaka iraada aaraseebi se badla chukta karne ka hoga, jisne pichhle match mein use saat wicket se haraaya tha. Haalaanki uske baad se haalaat badal gaye. Watson ne chennai super kings ke khilaaf 101 run banaae. Abhi tak vah chhah maichon mein 273 run bana chuke hain. Dravid ne Rajasthan ki morche se aguvaai ki hai aur yuva ajinkya rahaane ke saath behatareen ballebaaji ka namoona pesh kiya hai. Dravid, rahaane, Watson jahaan Rajasthan ki batting ko majaboot banaate hain, vaheen braad haug, dishaant yaagnik aur stuart binni ne unka bakhoobi saath diya hai. Faulkner ke roop mein Rajasthan ke paas umda geindabaaj hai. Of spinner ajit chandeela bhi prabhaavi rahe hain. Dravid haalaanki apne baaki baularon ko lekar chintit honge, kyonki Hyderabad ne chhah wicket 29 run par ganvaane ke baad vaapasi karke 144 run bana daale the. Rahul shukla, kevon koopar, siddhaarth trivedi, Watson aur binni sabhi ne run diye. Isse Dravid ko S. Shreeshaant ko pleing eleven mein shaamil karna pad sakta hai. Doosari or Mumbai se 58 run se haarne ke baad aaraseebi ka aatmavishvaas kam huaa hoga. Use yah match har haal mein jeetna hoga, kyonki ek aur match haarne se usaki laya bigad sakti hai. Kris Gale ke roop mein uske paas turup ka ikka hai, jo abhi tak 450 run bana chuka hai. Aaraseebi ko usase ek baar fir isi tarah ki chamatkaarik paari ki ummeed hogi. The.

Aaraseebi Ki Taal Bigaadeinge Royals https://www.angrejinews.com/pic/7048