Aap Ne Uparaajyapaal Ko Chitthi Likh Kar Vidhaanasabha Bhang Na Karne Ki Maang Ki

Breaking »

Aap Ne Uparaajyapaal Ko Chitthi Likh Kar Vidhaanasabha Bhang Na Karne Ki Maang Ki

File photo File photo Nai Delhi: aam aadmi party (aap) neta Arvind Kejriwal ne aaj Delhi ke uparaajyapaal najeeb jang se kaha ki vah filhaal vidhaanasabha bhang na karein, kyonki vah shahar mein janasabhaaen karke yeh pata lagaane ka prayaas kareinge ki unki party ko yahaan fir se sarkaar banaani chaahiye ya naheen. is baithak mein Kejriwal ne jang se kaha ki party is par vichaar kar rahi hai ki kya use sarkaar banaani chaahiye. party se jude sheersh sootron ne bataaya ki Kejriwal ne iske saath hi jang ko ek patra saunpa jismein kaha gaya hai ki aap kai janasabhaaen karke is mudde par janta ke vichaar jaanane ka prayaas karegi. aap netaaon ke rukh mein yeh badlaav Loksabha chunaav mein Delhi mein ek bhi seat naheen jeet paane ke paanch din baad I hai. Party ke kharaab pradarshan ke baad party ke adhiktar vidhaayakon ne Congress ke samarthan se fir se sarkaar banaane ki sambhaavana talaash karne ka paksh liya tha. party ke ek varishth neta ne kaha ki party is mudde par logon ki rai jaanane ke liye agale kuchh dinon mein shahar mein 'Janamatasangrah' karaane ki yojana bana rahi hai. Kejriwal aur unke mantriprishd ne 14 February ko isteefa dene ke baad vidhaanasabha ko bhang karne ki sifaarish ki thi, taaki fir se chunaav ka raasta saaf ho sake. Choonki jang ne vidhaanasabha bhang naheen ki thi, isliye party ne uparaajyapaal ke nirnaya ke khilaaf Supreme court mein ek yaachika daayar kar di thi. Kejriwal ki jang se mulaakaat ke kuchh ghante baad hi Congress ne kaha ki agar aap fir se sarkaar banaane ka prayaas karegi, to vah use samarthan naheen degi. Congress ne kaha ki vah taaja chunaav ko praathamikta degi. Delhi pradesh Congress adhyaksh aravindar Singh lavali ne kaha ki Congress kisi bhi haal mein Kejriwal ko sarkaar banaane ke liye samarthan naheen karegi, jisne isse pehle satta chhodkar Delhi ki janta se 'Dhokha' kiya tha. Unhonne ek samvaadadaata sammelan mein kaha, 'Yeh Congress ka nirnaya hai ki ham kisi bhi paristhiti mein aap ko samarthan naheen deinge. Aap ko fir se samarthan karne ka koi savaal naheen uthata. ' vaheen aap sootron ne kaha ki party ke adhiktar vidhaayak tatkaal taaja chunaav naheen chaahate, kyonki unhein dar hai ki agar chunaav abhi hua to vah 'Modi lahar' mein paraajit ho jaaenge. aap ne pichhle saal December mein hue vidhaanasabha chunaav mein 28 seatein jeetkar sabko chaunka diya tha aur usane Congress ke baahar se samarthan se sarkaar banaayi thi. vaheen bhaajapa ne 70 sadasyeeya vidhaanasabha mein akaali dal ke ek vidhaayak sahit 32 seatein jeeti theen. Bhaajapa ke vidhaayakon ki sankhya ghatkar 28 ho gayi hai kyonki party vidhaayak hasharvardhan, ramesh vidhoodi aur paravesh varma ne saansad chun liye gaye hain. do din pehle hi bhaajapa ke varishth neta hasharvardhan ne kaha tha ki party 'Jodtod' se sarkaar banaane ki bajaay taaja chunaav ko praathamikta degi.

Aap Ne Uparaajyapaal Ko Chitthi Likh Kar Vidhaanasabha Bhang Na Karne Ki Maang Ki https://www.angrejinews.com/pic/51176