'Aap Ne Kaha, Aam Chunaav Se Mili Seekh

Breaking »

'Aap Ne Kaha, Aam Chunaav Se Mili Seekh

Nai Delhi: aam aadmi party (aap) ki shuruaati upalabdhiyon par dekhe gaye ati utsaah se ulat shukravaar ko kaaryaalaya par shaant aur chintanasheel maahaul dekha gaya. party ke lagbhag 200 kaaryakarta TV ke saamane Loksabha chunaav ki mataganana ke rujhaanon par najar jamaae baithe hain, jismein bhaarateeya janta party (bhaajapa) ko badi jeet milne ke sanket najar aa rahe hain. Delhi ke poorv vikaas evam shram mantri Girish soni ne bataaya, yeh hamaare liye seekhane ka anubhav raha. Jeetna hamaara uddeshya naheen tha. Lekin logon ne hamein samarthan diya. Delhi vidhaanasabha chunaav mein 28 seat jeetkar Congress ke samarthan se rajdhani mein sarkaar banaane waali aap Loksabha chunaav mataganana ke roojhaanon ke mutaabik saat seaton ke saath doosare number par chal rahi hai. aap ke neta Yogendra Yadav, prashaant bhooshan aur maneesh sisodiya bhi hanumaan rod sthit party kaaryaalaya mein jama hain. Netaaon ke mutaabik, party pramukh Arvind Kejriwal is samay Varanasi mein hain, jahaan unhonne bhaarateeya janta party (bhaajapa) ke pradhaanamantri pad ke ummeedavaar Narendra Modi ke khilaaf chunaav lada. Kejriwal ek din pehle Gurgaon ke ek dhyaan kendra mein the.

'Aap Ne Kaha, Aam Chunaav Se Mili Seekh https://www.angrejinews.com/pic/50730